Во рускиот Палеонтолошки институт „Орлов” пристигна фрагмент од заб на предок праисториска ајкула од фамилијата Helicoprionidae. Староста на наодот е околу 300 милиони години.
Овој уникатен наод беше пронајден летово од експедиција на „Флотилата на пловечки универзитети“ во рудникот за варовник на границата на Саратовската и Волгоградската област кај селото Нижна Бановка, пренесува весникот „Росијскаја газета“. Наодот ги помина прелиминарните испитувања, а дури потоа беше испратен во Москва на лабораториска анализа.
Находка. Источник: http://edufleet.ru/
Gepostet von Палеонтологический музей имени Ю.А. Орлова am Dienstag, 26. November 2019
„Веднаш знаевме дека пронајдовме нешто интересно. Целата камена маса, без да ја кршиме, ја ставивме во кутија и ја однесовме во базата, а потоа организиравме уште едно одење за да го извадиме од карпата продолжението на спиралата. За тоа моравме да користиме пневматски чекан и брусилка“, рече раководителот на експедицијата Алексеј Иванов.
Како што соопшти прес-службата на Палеонтолошкиот институт, забната спирала на хеликоприонид е една од најзагадочните фосили од доцниот палеозоик. Таа претставува серија заби-острици кои имаат заедничка спирална основа.
Зубная спираль геликоприона в экспозиции Палеомузея.
Gepostet von Палеонтологический музей имени Ю.А. Орлова am Dienstag, 26. November 2019
„Пречникот на спиралата кај типскиот род на оваа фамилија беше 25 сантиметри. Тоа значи дека должината на рибата била околу 2-3 метри“, велат стручњаците.
