Новата вакцина е „персонализирана“, што значи дека е дизајнирана да го научи имунолошкиот систем на пациентот како да ги препознае и елиминира клетките на ракот.
На пациентите со напреднат карцином на бубрези кои примиле експериментална вакцина откако им биле отстранети туморите, ракот не се враќал неколку години, покажа првата фаза од малото клиничко испитување, чии резултати беа објавени во списанието Nature.
„Тоа беа пациенти за кои знаете дека ризикот од враќање на ракот е многу висок“, рече dr. Toni Choueiri од Институтот за рак Dana-Farber во Бостон, кој го предводеше истражувањето.
По речиси четири години, ниту еден од деветте вакцинирани пациенти не се вратил од рак на бубрег, рече тој и истакна дека се многу возбудени поради овие резултати.
Стандардниот третман за третата и четвртата фаза на рак на бубрезите е хируршка интервенција, проследена со имунотерапија. Кај повеќето пациенти, ракот се враќа, обично во рок од три години, а потоа веќе нема добар третман.
Новата вакцина е „персонализирана“, што значи дека е дизајнирана да го научи имунолошкиот систем на пациентот како да ги препознае и елиминира клетките на ракот.
Научниците идентификуваа неоантигени, мали фрагменти од мутирани протеини кај ракот, во примероците на туморот отстранети за време на операцијата. Потоа утврдиле кој од овие неоантигени ќе го стават во вакцината.
„Избираме цели кои се единствени за ракот и се разликуваат од нормалните делови на телото, така што имунолошкиот систем може ефективно да го „таргетира“ ракот на многу специфичен начин“, објасни dr. David Braun од Медицинскиот факултет на Yale.
Соработувајќи со Мерк, научниците сега тестираат слична вакцина против рак на бубрезите во рандомизирано испитување на 272 пациенти.
