Истражувањето на еден бренд за интимна нега за жени покажа дека половина од Британките никогаш немале секс за време на менструација, иако тој има многу здравствени придобивки, истакнуваат истражувачите.
Многу парови менструацијата ги спречува во сексуалното задоволство, но тоа не мора да биде така, пренесува Daily Star. Со оглед на тоа дека просечната жена има период од вкупно 2.280 дена во животот, тоа би можело да значи дека верните партнери немаат секс шест години поради менструацијата.
Откријте зошто сексот за време на менструацијата е корисен и како се разликува од „редовниот“ секс …
Четири причини зошто сексуалниот однос за време на менструацијата може да биде добар за вас …
1. Уживајте во искуство без неред
Многу луѓе замислуваат дека ќе завршат во „локва“ крвави чаршафи, но тоа е далеку од вистината. Просечната количина на крв што се ослободува за време на менструацијата е помеѓу 30 и 40 ml во текот на неколку дена.
2. Зголемено либидо
Промените во хормоните за време на менструацијата може да го зголемат либидото. Значи, со зголемување на естрогенот и ниското ниво на прогестеронот, тоа може да значи дека жените сигурно ќе бидат порасположени за секс игри …
3. Поинтензивни оргазми
Жените потоа доживуваат подобри и посилни оргазми кои резултираат со зголемена сексуална желба поради подобриот проток на крвта во карлицата. Истражувањата покажуваат дека околу 40% од жените доживуваат подобар оргазам за време на сексот при менструација во споредба со оргазамот без менструација.
4. Сексот за време на менструацијата е добар за телото
Може да помогне во ублажување на менструалните грчеви бидејќи делува како природен лек против болки. Може да го скрати и времетраењето на менструацијата бидејќи оргазмот го забрзува процесот на одвојување на слузницата на матката.
“Женското либидо може да варира од месец до месец, како и за време на менструацијата. Во некои случаи, тоа може да ги одвлече мислите од болната менструација или да ослободи хормон на среќа кој може да го подигне расположението”, изјави гинекологот д-р. Shree Datta за Daily Star.
