Топлотните бранови во морето се двојно почести од 1982 година.
Светските океани достигнаа рекордно високи температури оваа недела, предизвикувајќи загриженост за климата на планетата, морскиот свет и крајбрежните заедници.
Температурата на површината на океанот минатиот петок се искачи на 20,96 степени Целзиусови, покажуваат податоците на климатската опсерваторија на Европската унија.
Последниот рекорд од 20,95 степени е забележан во март 2016 година, изјави портпаролката на агенцијата на ЕУ за климатски промени Коперник за агенцијата France Presse.
Меѓу тестираните примероци нема ниту еден од поларните региони, пренесува France Presse, без да прецизира дали биле вклучени во претходните мерења.
Океаните апсорбирале 90 отсто од вишокот топлина создадена од човековата активност од почетокот на индустриската ера, предупредуваат научниците.
Таа топлина продолжува да се акумулира додека стакленички гасови, главно од согорувањето на нафта, плин и јаглен, се собираат во атмосферата на Земјата.
Просечната температура на океаните од април ги собори сезонските рекорди ширум светот.
Топлотниот бран на океаните е непосредна закана за некои морски животни, изјавија од International Climate Center на University of Leeds. Веќе сме сведоци на директен резултат од избелувањето на коралите во Флорида и очекувам да се појават повеќе последици.
Се предвидува дека затоплувањето на океаните ќе има други влијанија врз подводниот живот, вклучувајќи ја миграцијата на одредени видови и ширењето на инвазивните видови. Ова може да ги загрози рибните резерви, а со тоа и безбедноста на храната во ширум светот.
Потоплите океани потешко апсорбираат јаглерод диоксид, со што се засилува маѓепсаниот круг на глобалното затоплување.
А ќе следат и повисоки температури бидејќи штотуку започна феноменот El Nino кој ги загрева температурите, пишува France Presse.
Иако сигурно има краткорочни фактори, главната долгорочна причина е несомнено акумулацијата на стакленички гасови во атмосферата предизвикани од човековата активност, првенствено согорувањето на фосилните горива, рече Rowan Sutton, директор за климатски истражувања на University of Reading.
Последните бројки покажуваат уривање рекорди низ целата земја.
Во понеделникот на брегот на Флорида е забележана температура од 38,3 степени. Минатата недела температурите на површината на северниот дел на Атлантикот се искачија на рекордно висока просечна температура од 24,9 степени, покажуваат податоците на американската Национална управа за океани и атмосфера (НОАА).
По правило, Северниот Атлантик не ја забележува својата максимална температура до септември. Од март, месецот кога морето почнува да се загрева по зимските месеци, температурите се повисоки од претходните години, а разликата во однос на минатите рекорди во последните недели расте.
Оваа област стана клучна точка во проучувањето на затоплувањето на светските океани. Претходно во јули, Медитеранот го собори дневниот рекорд со просечна температура од 28,71 степени.
Морските топлотни бранови се двојно почести од 1982 година, според извештајот од 2019 година на Меѓувладиниот панел на Обединетите нации за климатски промени (IPCC). До 2100 година тие би можеле да бидат двојно поинтензивни доколку не се намалат емисиите на штетни гасови.
Употребата на јаглен, нафта и гас се очекува да биде во центарот на дискусиите на претстојниот COP28, климатските разговори на ОН, кои ќе се одржат во Дубаи на крајот на годината.
