Експертот истакнува дека колку подолго сте без интимни односи, толку подоцна тие ќе бидат понепријатни.
Гинекологот Лиз Листер открива што се случува со женското тело ако подолго време нема интимни односи:
– Ова не е нешто што моите пациенти често го спомнуваат, веројатно затоа што се срамат, но тоа е голем проблем! Колку подолго сте без секс, толку понепријатни ќе ви бидат интимните односи – кажува Лиз и објаснува зошто е тоа така.
Ова се случува затоа што ткивото станува опуштено и протокот на крв во областа се намалува, бидејќи телото не е навикнато да се подготвува за сексуален однос. Тоа е како вежбање, попријатно е кога ќе се навикнеш на тоа. Ова им се случува на жените на која било возраст – вели докторката и додава:
– Сепак, не заборавајте дека сексот и оргазмот се поврзуваат со посилен имунитет и поголемо здравје на срцето. Ако поминало некое време од последното сексуално искуство, користете лубриканти! И ако сте соло, најдете занимација и алатки.
Кога станува збор за контрацепција, Лиз Листер вели:
– Колку помалку се мешате во работата на вашите хормони, толку е подобро. Многу жени се плашат од спиралата бидејќи се користи повеќе од 40 години, но денешните спирали се многу поефикасни и помодерни од порано. Истражувањето од 2013 година објавено во списанието на Американскиот конгрес на акушери и гинеколози покажа дека гинеколозите имаат три пати поголема веројатност да изберат спирала отколку другите форми за контрола на раѓањето. Има причина за тоа: не само што се 99 отсто поефикасни, туку можат да ги контролираат тешките периоди и менструалните грчеви и да ослободуваат хормони локално, а не системски, како што прават контрацептивните таблети – тврди докторката.
