Времето кога на голотијата и сексот не се гледало низ призма на скандал и срам, туку токму спротивно.
Организирана е изложба на еротска уметност пронајдена во Помпеја. Целта на изложбата е да се укаже дека прикажувањето на непристојни сцени било секојдневие, како во домовите на жителите, така и во јавните простори.
Околу 70 уметнички покажуваат дека на голотијата и сексуалните сцени не се гледало низ призма на скандали и срамот, туку токму спротивното.
Меѓу изложените предмети има и два медалјони украсени со слики од сатира и нимфи, кои биле пронајдени на свечена кочија, откриена во Помпеја минатата година. Изложбата била поставена во Археолошкиот парк во Помпеја.
Посетителите можеле да ја преземат апликацијата на турата, која ќе ги води до најважните точки во улицата Via del Vesuvio. Во неа ги посетуваа фреските со сексуални мотиви, вклучително и онаа пронајдена во 2018 година, на која е претставен богот на плодноста Priapus, познат по неговиот приказ со голем и постојано исправен фалус.
Тука е и фреската на Леда, која останала бремена со римскиот бог Јупитер, преправен во лебед.
„Се очекувало во домовите на побогатите луѓе да има повеќе слики, но еротските прикази биле исклучително вообичаени во Помпеја“, изјави Gabriel Zuchtriegel, директор на Археолошкиот парк Помпеја, за Гардијан, па продолжи: „Бројните прикази покажуваат како Римјаните ја користеле грчката култура како еден вид културен код. Голем дел од уметноста за која зборуваме се рефлектира во грчката митологија и приказни преземени од грчката традиција“, рече тој.
Делата за кои раскажува прикажуваат и парови во експлицитни сексуални пози, а оваа уметност е пронајдена во граѓанските домови и е слична на сликите што ги краселе ѕидовите на борделот на овој антички римски град, уништен од ерупцијата на Везув во 79 година.
„Научниците всушност долго време толкуваа дека сите соби кои биле украсени со вакви сцени се бордели. Но, всушност, во куќите имало и простор наменет за сексуални активности“, вели Zuchtriegel.
Често се мислело дека сликите кои прикажуваат секс во борделите се всушност еден вид мени за услугите што се нуделе.
„Навистина изгледа така бидејќи сцените обично го красат просторот над секоја врата. Но, доста е ризично да се поедностават работите на овој начин“, вели тој, додавајќи: „Секојдневниот живот во тоа време биле исто толку сложен како што е денес. Така што е невозможно да се каже со сигурност што се случувало судејќи само според сликите“, вели Zuchtriegel.
Некои од сцените се исто така хомоерични – меѓу нив е и статуата пронајдена во Casa del Bracciale d’oro, една од најбогатите домови во Помпеја. Таа прикажува млад човек кој му служел на еден богаташ, како послужува на гозбите, но и како ги исполнува неговите сексуални желби.
„Луѓето гледаат ослободување на овие слики, но треба да се земе предвид дека постоеле и пишани и непишани правила и дека тоа не бил свет на голема слобода. На пример – да, хомосексуалноста се толерирала, но тоа воопшто не значи дека постоело ниво на прифаќање на таков вид однесување какво што денес посакуваме“, заклучи тој.
