Но, досега, резултатите се многу охрабрувачки, рече главниот автор на студијата.
Во последниве години, научниците открија бројни ризици што можат да доведат до развој на Алцхајмерова болест кај луѓето, но заклучокот до кој дојде најновата студија би можел да промени сè.
Имено, студија објавена во списанието Nature откри дека недостатокот на еден метал во телото може да биде клучен фактор што придонесува за развој на деменција кај пациенти со Алцхајмерова болест. Клучен метал – литиум.
Да, истиот литиум што се користи за производство на модерни батерии за електрични автомобили и паметни телефони се јавува природно во човечкиот мозок и ја одржува нормалната функција на клетките и спречува деградација на нервните клетки.
За време на студијата, научниците од Медицинскиот факултет Харвард открија дека недостатокот на литиум во човечкиот мозок е еден од првите знаци пред појавата на Алцхајмеровата болест. Кога се обидоа да го тестираат ова кај глувци, открија дека недостатокот на литиум во мозокот го забрзува нивното опаѓање на меморијата.
Интересно е што истражувачите откриле дека нов вид литиумско соединение (литиум оротат) може да помогне во спречувањето на формирање на амилоидни плаки во мозокот и покажало дека може да ја врати меморијата кај глувците.
Не е непознато во медицината
За време на истражувањето, научниците анализирале траги од околу 30 различни метали во примероци од мозок и крв од различни луѓе – од здрави луѓе до оние во раните фази на деменција до оние со дијагностицирана напредна фаза на Алцхајмерова болест. Користејќи го методот на хемиска анализа со масена спектроскопија, тие откриле дека литиумот е единствениот метал со значително различни нивоа меѓу тестираните групи.
Ова е прв пат некој да покаже дека литиумот постои на природно присутни нивоа кои се биолошки значајни без да се администрира како лек, рече водечкиот автор на студијата, Bruce Yankner.
Употребата на литиум во човечката медицина не е ништо ново, но се користел за лекување на состојби како што се биполарно растројство и депресија. Разликата е во тоа што во овие случаи се препишуваат концентрации кои би можеле да бидат токсични за „нормалните“ луѓе.
Но, литиум оротатот е ефикасен во многу пониски дози – послично на природните нивоа на литиум во мозокот. И може да биде алката што недостасува за научниците да развијат ефикасна терапија за лекување на Алцхајмеровата болест.
Идејата дека недостатокот на литиум може да биде причина за Алцхајмерова болест е нова и сугерира различен терапевтски пристап, рече д-р Yankner, кој предупреди дека нивните заклучоци треба да се тестираат во клиничко испитување.
-
Мора да бидете внимателни со екстраполацијата од модели на глувци и никогаш не знаете додека не го пробате во контролирано клиничко испитување кај луѓе… Но, досега резултатите се многу охрабрувачки, додаде тој на крајот.
