Дали сте слушнале за терминот сексуална кулминација?
Иако звучи како да зборуваме за оргазам, овој термин може да се однесува и на периодот од животот кога покажуваме најголем интерес за секс, кога ни е најпријатен и кога најмногу размислуваме за него.
Иако е логично да заклучиме дека својот сексуален врв го доживуваме во младите денови, истражувањата покажаа дека тоа е далеку од вистината. Во книгите на познатиот истражувач Алфред Кинси, можеме да прочитаме многу интересни работи на оваа тема.
На пример, погрешно е да се верува дека нашиот сексуален нагон е најсилен во пубертетот или во адолесцентниот период, а уште поинтересен е фактот дека мажите и жените го доживуваат врвот на својот сексуален нагон во различни периоди од животот.
Во едно од неговите студии, Кинси ги прашал мажите и жените на која возраст го доживеале најдобриот секс, кога најмногу уживале во него и кога доживеале најмногу оргазми.
Статистиката покажала дека мажите најмногу уживале во сексот во 17-та и 18-тата година од животот, додека кај жените тоа било многу подоцна.
Имено, жените го доживуваат својот сексуален врв дури во средината на 30-тите години, а главната причина е самозадоволството.
Кога жената ќе достигне одредена возраст и ќе се пронајде себеси, таа станува позадоволна од своето тело, а со тоа и поопуштена. Веќе не ја оптоварува изгледот, избира пози кои и се удобни и пријатни, а не оние во кои изгледа привлечно. Исто така, жената тогаш знае што сака и не и е проблем да каже.
Кога зборуваме за сексуалното искуство на мажите, тоа обично е во контекст на бројот на жени со кои спиеле и сите тактики и стратегии што ги научиле во текот на нивниот сексуален живот. Така, со текот на годините, жените учат за себе, а мажите учат за жените. И тоа е совршен рецепт за добар секс подоцна во животот.
Од друга страна, помладите девојки не се добри во комуникацијата на своите желби и потреби со партнерот, а незадоволството од нивното тело најмногу влијае на нивниот сексуален живот. На пример, во едно истражување, дури 30 проценти од девојките признале дека се обидуваат да го покријат стомакот за време на сексот, па истражувачите лесно можеле да ја видат врската помеѓу добриот секс и самодовербата.
Истото истражување покажало дека жените на возраст од 27 до 45 години имаат најчести сексуални односи. Жените во тој период од животот најчесто раѓаат деца, а бременоста може да влијае на хормоните и да го направи сексот подобар или полош.
Во повеќето случаи, либидото се зголемува по бременоста, па ова е една од причините зошто на жените им е попријатен сексот од младите девојки. Жените имаат зголемен сексуален нагон до менопаузата, кога нивото на естрогенот паѓа, а либидото се намалува.
Кај мажите, пак, либидото не се намалува во златниот период од нивниот живот. Нивниот сексуален нагон во 50-тите е под влијание на работниот стрес, финансискиот стрес и здравствените проблеми.
