Почина Ѓорѓи Желчески

423

Ѓорѓи Желчески (1938 – 24 февруари 2020) — македонски пејач на народна музика. Во својата долгогодишна кариера, постојано настапувал во дует со Кевсер Селимова.

Роден е во Прилеп во 1938 година. Беше женет со пејачката Кевсер Селимова со која живеел во Белград, а летните месеци ги поминувале на полуостровот Истра, во Хрватска. Дуетот Селимова и Желчески имаат едно дете – ќерката Ана, родена во 1980 година, во Белград, од која го имаат внукот Ерол, роден во 2012 година.

Музичка кариера

Желчески и Селимова се запознале на еден концерт во Титово Ужице, во 1959 година, каде Селимова настапила со “КУД Орце Николов”, а програмата ја најавувал Желчески.

Во тоа време, Желчески настапувал заедно со Никола Бадев, Анка Гиева и Верица Исјановска. За време на една голема турнеја, Исјановска се вљубила и решила да остане во Шабац, така што Желчески морал да бара друга партнерка за пеење во дует.

Разговарајќи со својот менаџер, тој се сетил на средбата со Селимова, која во 1961 година му се придружила. Со текот на времето, нивната популарност растела, но Македонија станала претесна за нивните амбиции.

По една голема турнеја на Желчески низ Македонија, која вклучувала настапи во Ресен, Титов Велес, Штип, Струмица, Охрид, Кичево, Струга итн., „РТВ Белград“ побарала пејач од Македонија и Желчески заминал во Белград. По одржаниот концерт во Домот на синдики постигнува голем успех, така што почнале да пристигнуваат други понуди и тој решил да остане во Белград.

Дуетот Селимова-Желчески е најпознат по нивната изведба на народните песни: „Елено, ќерко“, „Бело лице љубам јас“, „Врати ми се, љуби ме“, „Брала мома капини“ и тн. На 15 ноември 2013 година, Селимова и Желчески одржале концерт во Домот на АРМ, во Скопје, со кој го одбележале јубилејот „Пет децении творештво“.

Желчески починал во Белград на 24 февруари 2020 г. на 82 години.