Уништувањето на шумите во Амазон во јули падна на најниско месечно ниво од 2017 година, според владините податоци објавени во четвртокот.
Сателитските снимки од бразилската агенција за вселенски истражувања INPE покажуваат дека во јули се исчистени 500 квадратни километри прашума, што е за 66 отсто помалку од истиот период минатата година.
Во првите седум месеци од годината, сечењето на шумите кумулативно се намалило за 42,5 отсто во споредба со истиот период во 2022 година, покажуваат прелиминарните податоци на INPE.
Посебно ветуваат последователните падови во јуни и јули, бидејќи во тие месеци е забележано најголемо уништување на шумите, со оглед на тоа што се работи за посушен период.
Гледаме пресврт во кривата на раст на уништувањето на шумите, изјави секретарот на Министерството за животна средина Joao Paulo Capobianco за новинарите во Бразилија.
Овие податоци пристигнуваат во пресрет на средбата на бразилскиот претседател Luis Inácio Lula da Silva со лидерите на земјите од Амазон на состанокот во северен Бразил, на тема заштита на најголемата прашума во светот.
Lula во средата рече дека на состанокот за првпат ќе се обиде да се договори за заеднички пристап за заштита на регионот, кој ќе вклучува прашања за безбедноста на границите и барање приватни компании да учествуваат во пошумувањето на 30 милиони хектари.
Левичарскиот претседател го презема бразилското раководство во јануари со ветувања дека ќе стави крај на уништувањето на шумите до 2030 година, откако забрзаното уништувањето на шумите под претходниот претседател Jair Bolsonaro, кој ги отстрани еколошките регулативи, пишува Reuters.
Експертите го поздравија забавувањето на уништувањето на шумите за време на владата на Lula, но исто така повикаа на дополнителна претпазливост во наредните месеци, кога е сезона на најголемите пожари.
Ова е многу значителен пад за посув месец, изјави Mariana Napolitano, директорка на еколошката организација WWF за Бразил, повикувајќи се на податоците за јули.
Таа рекла дека тоа покажува дека преземените вонредни мерки носат резултати, но и предупреди дека уништувањето на шумите на Амазон и понатаму е на високо ниво и дека ќе бидат потребни дополнителни активности за да се запре до 2030 година.
