Потребно
- 3 парчиња батаци со карабатаци
- 1 главица кромид
- неколку чешниња лук
- цимет прстофат
- половина лажица зачин кари
- 1 мала лажичка мелена блага црвена пиперка
- 1 помал лимон
- 100 г зелени маслинки
- 300 мл пилешка супа
- 1 лажица мед
- сол, бибер според вкус
Подготовка
Отстранете ја кожичката од батаците, па преполовете ги на батак и карабатак. Загрејте го маслото и пржете ги батаците 5 минути од едната и 5 минути од другата страна. Извадете ги, па во истото масло пржете ги кромидот и лукот, ситно исечкани.
Додајте ги зачините, лимонот исечен на кругови и налејте со пилешка супа. Батаците вратете ги во лонецот, намалете го оганот и динстајте околу половина час. На крајот, додајте 1 лажица брашно разматено со малку вода и сечканите маслинки на кругови, медот, циметот, карито, мелената црвена пиперка. Служете со прилог по желба (ориз, тестенини, кус кус).
