Дали светот е подготвен да ја предаде контролата на агенти за вештачка интелигенција како Manus?
Дали веќе завршивме со „ерата на чет-ботови со вештачка интелигенција“ и брзаме кон „автономни агенти за вештачка интелигенција“ кои ќе извршуваат задачи без човечко влијание? Ако ги прашате кинеските стартапи, одговорот е дефинитивно ДА.
Имено, минатата недела група кинески инженери собрани околу истоимениот стартап го претставија како што го нарекоа „првиот целосно автономен агент за вештачка интелигенција во светот – Manus“. Како што објаснија, „manus“ на латински значи рака и би требало да претставува агент за вештачка интелигенција што „ќе ги претвори мислите на корисникот во дела“.
Во превод, овој агент за вештачка интелигенција може самостојно да извршува сложени задачи без човечко управување или насоки. За разлика од него, најпопуларните чет-ботови со вештачка интелигенција како ChatGPT, Gemini и други, имаат потреба од човек да внесе известување или барање за да активира дејство. Manus, тврдат неговите креатори, може проактивно да донесува одлуки и самостојно да ги извршува задачите. Поточно, не треба да се чека човек да му каже што да прави.
Тие објаснија дека Manus не користи само еден модел на вештачка интелигенција, туку управува со повеќе специјализирани „под-агенти“, како шеф на работа кој управува со своите вработени. Авторите тврдат дека токму тоа му овозможува непречено да ги решава сложените проблеми во повеќе чекори. Кога е готово, само го известува корисникот дека резултатите се подготвени или задачата е завршена, без непотребни објаснувања.
Експертите веруваат дека ова е значаен момент, бидејќи сигнализира нова ера на вештачка интелигенција – чекор поблиску до целосно независна вештачка интелигенција која би можела да преземе дел од одговорноста.
Но, дали светот е подготвен да ја предаде контролата на агенти за вештачка интелигенција како Manus?
За разлика од другите модели со вештачка интелигенција, Manus всушност може да им се заканува на луѓето во форма на „одземање“ на нивните работни места и замена на работниците. Ова, очигледно, покренува цела низа етички и регулаторни прашања за неговата употреба.
Како прво, кој презема одговорност за своите постапки во случај на проблем? Регулаторите ширум светот предупредуваат дека токму тоа е главното прашање, на кое се уште никој не нашол задоволителен одговор.
Чет-ботови со вештачка интелигенција на самиот почеток се покажаа како прилично несигурни и склони кон халуцинации. Дали Manus е подобар во овој поглед или не, останува да видиме.
Од друга страна, по DeepSeek, ова е веќе втор „револуционерен“ модел со вештачка интелигенција кој доаѓа од Кина и кој објективно гледано е понапреден од „напредните модели“ кои доаѓаат од САД.
Ова укажува дека Кина не само што ги достигна американските компании, туку и ги надмина во развојот на агенти за вештачка интелигенција. И неавтономните и автономните. Нема ни да спомнуваме каде е Европа во сето ова.
Сигурно е дека Manus, како и сите други автономни агенти за вештачка интелигенција кои ќе пристигнат по него, ќе го смени односот на силите и правилата на игра. Ќе видиме само како остатокот од светот ќе одговори на овој предизвик.
