Авторите на новата и сè уште нерецензирана студија тврдат дека откриле нешто огромно под древните египетски пирамиди.
Експертите, сепак, се многу скептични за своите наоди.
Тим научници од Италија и Шкотскатврдат дека откриле голем подземен град под древните египетски пирамиди во Гиза.
Студијата, спроведена од Corrado Malanga од италијанскиот University of Pisa и Filippo Biondi од шкотскиот University of Strathclyde, користела радарски импулси за да создаде слики со висока резолуција од подземни структури.
Според нивните наоди, наводниот подземен систем се протега на над 2.000 метри и вклучува осум вертикални, цилиндрични структури кои достигнуваат длабочина од над 650 метри, со дополнителни формации пронајдени на длабочина од дури 1.200 метри.
Скептицизам на експерти
И покрај возбудата, многу експерти ги оспоруваат овие наоди. Имено, истражувањето не е рецензирано, а се покрена загриженост во врска со ограничувањата на технологијата што се користи.
Не е возможно технологијата да навлезе толку длабоко во земјата, што ја прави идејата за подземен град огромно претерување, изјави за DailyMail професорот Lawrence Conyers, експерт за радари од американскиот University of Denver.
Тој призна дека мали структури, како што се комори и шахти, може да постојат под пирамидите, бидејќи античките цивилизации често граделе споменици над светите места.
Користени техники за подземно тестирање
Malanga и Biondiпретходно објавиле рецензирана студија во октомври 2022 година во списанието Remote Sensing, во кое тие идентификувале скриени простории и рампи во пирамидата на Khafre. Нивната нова студија применила слични радарски техники, засилени со сателитски податоци, за да го испитаат подлабокото подземје под пирамидите во Гиза.
Огромен подземен град е откриен под пирамидите, вели Nicole Ciccolo, портпаролка на проектот.
Таа ги опиша структурите како „прозорци“ распоредени во паралелни редови, опкружени со спирални патеки, кои потенцијално служат како пристапни точки. Ciccolo предложи врска помеѓу нивното откритие и легендарните сали на Amenti.
Овие нови археолошки наоди би можеле да го редефинираат нашето разбирање за светата топографија на древниот Египет, истакна таа.
Непотврдени заклучоци и идни истражувања
Студијата останува необјавена во ниту едно научно списание, во очекување на научни прегледи. Професорот Conyers истакна дека за дефинитивен доказ ќе бидат потребни насочени ископувања. Се очекува истражувањата да продолжат и во текот на 2025 година.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
