Лусил Рандон, именувана како сестра Андре, живее во Центарот за геронтологија во Тулон на југот на Франција.
Тестот на 16 јануари покажал дека е позитивна на вирусот корона, по што е изолирана од другите одделенија, но не покажала никакви симптоми, пренесува Ројтерс.
На прашањето од телевизијата BFM дали се плаши, таа одговорила:
„Не, не се плашев затоа што не се плашам да умрам. Среќна сум што сум со тебе, но би сакала да бидам на друго место, да им се придружам на мојот брат, бабите и дедовците“.
Портпаролот на домот за стари лица во Сент Кетрин Лабур, Дејвид Тавела изјави дека се чувствува добро.
Мислиме дека е излечена. Таа е мирна и со нетрпение очекува да го прослави својот 117-ти роденден во четврток – рече тој.
Тој рече дека сестрата Андре, која е слепа, но е полна со дух, ќе го прослави својот роденден со мала група жители од домот поради ризик од инфекција.
Таа е многу среќна, додаде тој.
Сестра Андре, родена на 11 февруари 1904 година, е втора најстара жива личност во светот. Најстар е Јапонецот Кејн Танака, кој на 2 јануари наполни 118 години.
Дваесетте најстари живи луѓе во светот се жени.
