Нема многу случаи, но последиците се тешки, посочуваат експертите.
Од што е предизвикан хепатитисот засега само се шпекулира, но сигурно е дека не е резултат на КОВИД или вакцини.
Едно дете починало, а на 17 им била потребна трансплантација на црниот дроб поради мистериозна глобална епидемија на хепатитис. Светската здравствена организација соопшти дека добила извештаи за најмалку 169 случаи на „акутен хепатитис од непознато потекло“ од 12 земји до сабота.
Случаите се откриени кај деца на возраст од еден месец до 16 години, а СЗО не открива во која земја настапила смртта. Во Шпанија се идентификувани 13 случаи, 12 во Израел и 11 во САД. Исто така, случаи се пријавени во Данска, Ирска, Холандија, Италија, Франција, Норвешка, Романија и Белгија.
„Бројките не се големи, но случаите се тешки“
Британските здравствени власти ја отфрлиле вакцината против Ковид како можна причина, а ниту еден британски случај досега не е вакциниран бидејќи биле премногу млади. Исто така, пациентите од САД не биле вакцинирани.
„Сè уште не е јасно дали има зголемување на случаите на хепатитис или тие се случуваат со очекуваната стапка, но тие почесто се откриваат поради зголемената свест“, велат од СЗО.
Но, научниците веруваат дека бројот на тешки случаи кај децата е невообичаен и алармантен.
Richard Pebody, кој го води тимот за високоризични патогени во СЗО, изјави за STAT News:
„Иако бројките не се големи, последиците се доста тешки. Важно е земјите да ја следат ситуацијата“, рече тој.
Ниту еден познат вирус е причината
Ниту еден од случаите не бил предизвикан од ниту еден од петте типични соеви – хепатитис А, Б, Ц, Д и Е. Експертите велат дека случаите може да се поврзани со вируси кои вообичаено се поврзуваат со обичната настинка, познати како аденовируси, но дополнително истражување е во тек.
„Иако аденовирусот е можна хипотеза, истрагата за причината е во тек“, соопшти СЗО.
Тие истакнуваат дека вирусот сличен на обичната настинка бил откриен во најмалку 74 случаи, а 19 од нив имале и коинфекција со Ковид. Друг пациент имал ковид, но не и аденовирус.
Експертите истражуваат дали случаите се поврзани со два вируса, но професорот Graham Cooke експерт за заразни болести на Imperial College во London, вели дека е малку веројатно последицата да е од Ковидот.
„Благиот хепатитис е многу чест кај децата по низа вирусни инфекции, но она што во моментов се гледа е сосема поинакво. Доколку хепатитисот бил резултат на КОВИД, би се очекувало да биде пошироко распространет низ целата земја со оглед на високата преваленца (ковид) во моментов“.
„Невообичаено е децата да страдаат од тешки случаи“
Специјалист за вирусологија во Imperial изјави за The Telegraph дека е „многу невообичаено и ретко“ децата да страдаат од тежок хепатитис, особено до степен до кој им е потребна трансплантација на црн дроб. Експертот, кој сака да остане анонимен, изјави:
„Бројот на случаи е исклучителен. Луѓето мислат дека нешто необично се случува; на пример дека вирусот мутирал или дека причината е нешто друго. Болеста го вклучи алармот“.
Како да препознаете хепатитис?
Хепатитисот е воспаление на црниот дроб кое обично е предизвикано од вирусна инфекција или оштетување на црниот дроб поради консумирање алкохол или лекови. Често нема забележливи симптоми – но може да вклучуваат темна урина, бледо сива столица, чешање на кожата и пожолтување на очите и кожата.
Заразените луѓе може да страдаат и од болки во мускулите и зглобовите, висока температура, чувства и гадење и постојан и необичен замор.
Кога хепатитисот се шири од вирус, тој обично е предизвикан од конзумирање на храна и пијалоци контаминирани со измет на заразено лице, а се пренесува и преку крв или сексуален контакт.
