Врската меѓу двајца припадници на ист хороскопски знак може да биде или совршена, или вистинска катастрофа.
Секако дека нема двајца идентични припадници на еден хороскопски знак, но имаме заеднички карактеристики. И самите знаете дека некои ваши особини не се баш она што го барате или ве привлекува кај другиот.
Па, кои се хороскопските двојници кои одлично функционираат во врска?
Овен – Овен
Иако се огнени и импулсивни и постои опасност од експлозија, врската меѓу Овен и Овен може да биде исклучително фукционална ако партнерите си дозволат заемно да се инспирираат, наместо да се натпреваруваат.
Бик – Бик
Ако и кај двајцата е изразена карактеристиката дека се „домашен тип“, односно сакаат стабилност, да поминуваат време заедно дома и да не излегуваат многу често, оваа двојка може добро да функционира. Единствено би се расправале за пари, односно како да имаат многу, а да трошат малку.
Близнаци – Близнаци
На прв поглед, тука има многу личности, имајќи предвид дека припадниците на овој знак секогаш се борат со својата двојна природа. Но, Близнаците се толку специфични и екцентрични, што се чини дека единствената логика е дека во врска би функционирале само со уште еден Близнак. Можеби нема да издржат долго заедно, но врската ќе им биде многу интересна.
Јарец – Јарец
Врската меѓу Јарец и Јарец е една од најидеалните меѓу хороскопските љубовни двојници. Припадниците на овој знак се традиционални, но исто сфаќаат колку е потребно секој од партнерите да ја задржи индивидуалноста во врска. Го почитуваат времето на партнерот и она што го работи, а и ги споделуваат заедничките традиционални вредности врз кои ја темелат врската.
