Јадење без месо | Тестенини со печурки во кајмак

168

Како да се подготват тестенини? Дали сте ја пробале комбинацијата на тестенини со печурки во сос?

Тестенини со печурки во кајмак е еден од начините на кој можете да ги подготвите тестенините. Печурките во сос ќе дадат посебна нота на тестенините и ова јадење ќе ве воодушеви.

Подготовката на оброкот е едноставна и се прави за само половина час.

Состојки за тестенини со печурки во кајмак

  • 40 дкг тестенини
  • 10 дкг путер
  • 20 дкг кајмак
  • 3 дкг сушени печурки
  • 3 млади кромидчиња
  • сол
  • бибер

Подготовка

Измијте ги печурките со вода, а тестенините варете ги во солена вода.

Пржете ги печурките во путер 8 до 10 минути и посолете ги. По кратко динстање на печурките, додадете го младиот кромид исечкан на тркалца. Зачинете сѐ со сол и бибер.

Кога тестенините ќе се сварат, исцедете ги и додадете ги во печурките и кромидот. Добро измешајте и додадете го кајмакот. Тестенините со печурки во кајмак се готови и подготвени за сервирање.