Глобалното затоплување ќе надмине 1,5 C во текот на следните 5 години

83

Просечната глобална температура веројатно ќе ја надмине целта на границата на пораст до 1,5 Целзиусови степени од пред-индустрискиот период во најмалку една од следните пет години, според студијата на Светската метеоролошка организација (СМО).

Според студијата, претставена во четвртокот во Женева, шансите се 20 проценти дека овој просек ќе биде регистриран за најмалку една во следните пет години во периодот од 2020 до 2024 година.

Шансите се околу 70 проценти што за еден или повеќе месеци во текот на следните пет години ќе бидат регистрирани најмалку 1,5 Целзиусови повисоки просечни температури во однос на прединдустрискиот период, кој го опфаќа периодот од 1850 до 1900 година, според СМО.

Оваа студија, покрај високата научна вештина, упатува на огромни предизвици за исполнување на Парискиот договор за климатски промени за да се ограничи растот на глобалната температура на помалку од два степени Целзиусови во однос на прединдустрискиот период и на напорите да се ограничи зголемувањето на температурата на 1, 5 степени Целзиусови, рече генералниот секретар на СМО, Петерхи Таалас.

Експертите дадоа особено катастрофални прогнози за регионот на Арктикот, кој најверојатно ќе се загрее двапати повеќе оваа година во однос на глобалниот просек.

Покрај тоа, просечната температура во светот веројатно ќе го надмине прединдустриското ниво за еден степен Целзиусови во секоја од следните пет години.

Периодот од 2015 и 2019 година е веќе најтопол запишан од почетокот на мерењето.

Студијата е резултат на пресметка на британската метеоролошка служба и исто така се земени предвид „природните варијации, како и влијанието на човекот врз климата“, според СМО.

Сепак, можните намалувања на емисиите на стакленички гасови како резултат на забавување на светската економија како резултат на пандемијата на коронавирус не се земени предвид.

Поради долго задржување на јаглеродот диоксид во атмосферата, ефектот од намалувањето на годинашните емисии нема да ја намали концентрацијата на атмосферскиот јаглерод диоксид, што поттикнува глобален раст на температурата, вели Таалас, додавајќи дека пандемијата не треба да се користи како изговор за да се запре борбата против климатските промени.

Во периодот од 2020 до 2024 година, источните делови на Јужна Америка веројатно ќе бидат посуви, поголема влага ќе има на повисоки надморски височини и во Сахел, северниот дел на Северен Атлантик би можел да има посилни западни ветрови што може да резултираат со повеќе бури во Западна Европа, додава Си-Ен-Ен.

Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!

Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.