Германија на колена, Елмас и Пандев и донесоа победа на Македонија!
Наспроти сите спортски неправди од Карашев, Македонија успеа да се избори за голема победа против Германија во 3 коло од квалификациите за СП во Катар од 2:1.
Горан Пандев во 45+2 и донесе водство на Македонија и со ова стана најстариот играч кој и дал гол на Македонија во квалификации за Светско првенство.
Во второто полувреме, главниот судија Карашев сметаше дека Алиоски го соборил Сане, па Гундоган од пенал израмни во 73 минута.
Потоа чист пенал не и беше доделен на Македонија откако Чан играше со рака во шеснаесетникот на Германија.
Спортската правда стигна во 85 минута кога Елиф Елмас додавањето до Адеми го куниса со шести гол за него во националниот дрес, доволен за голема победа на Македонија.
Во следното 4 коло од мундијалските квалификации Македонија ја дочекува Ерменија на 2 септември на „Тодор Проески“.
