Во овој период од годината, тешко дека ќе помине ден без да ја слушнеме песната „All I Want For Christmas Is You“, која ја испеа американската пејачка Mariah Carey во 1994. година.
Подеднакво омразен и сакан празничен поп хит, најпопуларната божиќна песна на сите времиња, на пејачката ѝ донесе повеќе од 60 милиони долари во хонорари во последните 25 години, јавува CNN.
На Spotify, со над 602 милиони „стримови“, ја победи конкуренцијата и во моментов е најпопуларна песна. Со објавувањето преку услугата стриминг, каде е достапна во изминатите неколку години, пејачката заработила 2 милиони долари во надоместоци за стриминг. Исто така, има повеќе од 615 милиони прегледи на YouTube од нејзиното лансирање на платформата од 2009. година.
Ако оваа празнична сезона ќе биде како последната, се проценува дека Carey ќе заработи од период меѓу ноември и Божиќ над 600.000 долари само на неа. Песната е толку популарна што Амазон направил документарен филм наречен“Mariah Carey е Божиќ!” кој истражува како таа песна станала толку глобален хит
Според податоците на стриминг платформата, по “All I Want For Christmas Is You”, најпопуларни Божиќни песни се: “Last Christmas” од Wham, “Santa Tell Me” од Ariana Grande, “It’s Begin to Look a lot like Christmas” од Michael Bubleи “Mistletoe” на Justin Bieber.
Така, на пример, “Last Christmas” заработил околу 1,5 милиони американски долари како надомест за стриминг, Ariana Grande околу 1,1 милиони американски долари, а Bieber заработил околу 950 000 долари.
