Бремените жени кои пијат диететски пијалоци со вештачки засладувачи, раѓаат бебиња, склони кон дебелеење. Тоа го открија научниците од детската болница во Винипег, Канада, пишува Ројтерс.
Истражувањето опфаќа 3.000 мајки и нивните бебиња.
Кај околу 5% од мајките кои изјавиле дека консумираат редовно диететски пијалаци, се утврдило дека нивните деца со наполнета 1 година, се со прекумерна тежина. Дефиницијата користена за прекумерна тежина е бебето да тежи повеќе од 97% од своите врсници.
Децата на останатите мајки кои пиеле диетални пијалоци, се два пати повеќе склони кон дебелеење подоцна.
Меган Азад, автор на студијата, е категорична дека истражувањето покажува дека вештачките засладувачи помагаат за дебелеење. Тие водат и до дијабетес.
Научниците алармираат уште дека вештачките засладувачи можат да се предадат на бебето и преку доењето.
