Со доаѓањето на потоплите денови и високите температури, децата се повеќе склони кон дехидрација, што може да има сериозни последици.
Педијатрите предупредуваат дека децата многу полесно дехидрираат од возрасните, поради што е важно да се посвети посебно внимание на зголемениот внес на течности доколку престојуваат на отворено или се занимаваат со некоја физичка активност.
Исто така, претходните проблеми со дехидрација, дебелина и неодамнешно заболување се дополнителни фактори на ризик.
Но, како можат родителите воопшто да препознаат дека нивното дете е дехидрирано?
Иако понекогаш се случува да ги игнорираат предупредувачките знаци, во повеќето случаи тие се видливи и лесно препознатливи.
Според експертите од Клиниката во Кливленд, ова се некои знаци на дехидрација на кои треба да внимавате кај децата:
- сув јазик и усни
- недостаток на солзи
- помалку од шест мокри пелени дневно или неможност за мокрење
- темна урина со непријатен мирис
- сува и збрчкана кожа
- бледо лице
- длабоко, брзо дишење
- замор
- ладни раце и нозе.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
