Летото е резервирано за сонце и море, но што се случува другите 9 или 10 месеци од годината, ако не сте расположени да одите во друг дел од светот и да бркате тропски плажи, а веќе сте ги посетиле сите големи градови на Европа кои ве интересираат.
Тогаш изберете различни и помрачни патувања крунисани со терминот – “dark tourism”.
Секоја година, милиони туристи ширум светот одат на некои од најнесреќните места на Земјата: места на криминал, несреќи, природни катастрофи или геноцид. Од Auschwitz до Chernobyl, Gettysburg, местото на атентатот на Кенеди или Меморијалот на 11 септември во Њујорк, луѓето доброволно одлучуваат да го посветат целиот свој одмор, или еден дел од него, на еден од најлошите делови од човечката историја.
Експертите оваа појава ја нарекоа “dark tourism” и велат дека има долга традиција. “Dark tourism” се однесува на посета на места каде што се случиле некои од најмрачните настани во човечката историја. Ова може да вклучува геноцид, убиство, затвор, етничко чистење, војна или катастрофа – без разлика дали е природна или случајна. Некои дури го поврзуваат со приказни и стравови за духови и општо потпирање на ужасот и готската иконографија, но оние кои го проучуваат сето ова во пракса велат дека тоа нема никаква врска со страв или натприродни елементи.
Ова не е нов феномен и луѓето отсекогаш биле заинтересирани да „ѕиркаат“ во делови од светот кои не се светкави, сјајни и налик на разгледници, но нема сомнеж дека овој феномен станува се повидлив, делумно благодарение на серијата на Нетфликс „Dark Tourist“ од пред неколку години, но и серијата на HBO „Chernobyl“. После тоа, туристичките компании кои носат луѓе во областа изјавиле дека забележале зголемување на посетителите од 30 до 40 проценти.
И секако. Chernobyl можеби е првиот на ум, заедно со Auschwitz, како места во Европа кои имаат посилно туристичко присуство, а зад себе носат трагична приказна за страдањата на голем број луѓе. Без разлика дали станува збор за апокалиптичната природа на Pripyat, или за сенишните ѕидови на концентрациониот логор во Полска кои носат приказни за десетици илјади мртви Евреи.
Надвор од заливот San Francisco се наоѓа Alcatraz, кој долго време бил една од најголемите туристички атракции во градот. Но, зошто луѓето се толку очајни да го посетат сега веќе непостоечкиот затвор? Па, овој имал темно минато. Да, некои од најозлогласените криминалци во САД „останаа“ тука – од Al Capone до George “Machine-Gun” Kelly, и тие беа секако најпознатите, но Alcatraz бил затвор на затворите, и тука се чувани едни од најголемите насилници и болни луѓе кои другите затвори не можеле да ги задржат. Во обиколките на овој остров ќе ги научите и нивните приказни.
Патниците доаѓаат во Камбоџа за да се восхитуваат на величествениот верски споменик Angkor Wat. И додека овој храм на списокот на UNESCO не треба да се пропушти, погледнете малку подалеку од нив и ќе откриете земја и народ кој сè уште се опоравува од бедата што ја нанесе режимот на Црвените Кмери пред само 40 години. Во средното училиште Tuol Svai Prei и полињата за убивање на Choeung Ek, лузните сè уште се останати. Но, не дозволувајте тоа да ве спречи да ги посетите – овие места сè уште се клучен дел од историјата на Камбоџа и помогнале да се обликува во земјата каква што е денес.
Ако го изговорите зборот Hiroshima, веднаш помислувате на катаклизмичното бомбардирање од World War II. Во 1945 година, фрлена е бомба врз градот и автоматски уби 80.000 луѓе. Десетици илјади други починале од повреди и труење со радијација. Тоа било катастрофална трагедија која довело и до уништување на 70% од зградите. Но, веќе четири години подоцна, граѓанството на Hiroshima повторно зајакнало и направени биле планови за Меморијален парк на мирот во Hiroshima, вклучувајќи ја иконската пагода на мирот и скелетните остатоци од куполата со А-бомба. Повеќето луѓе го посетуваат паркот не само за да им оддадат почит на жртвите од нападот, туку и да ги потсетат на ужасите на нуклеарната војна.
Paris, како „град на светлината“ и едно од најромантичните места на планетата, носи под својата почва суштинска точка на мрачниот туризам – катакомбите. Во овој лавиринт се закопани посмртните останки на речиси шест милиони луѓе, што ја прави најголемата гробница во светот, а некои би рекле и едно од најстрашните места на планетата. Тоа е рај за љубителите на страшното и историјата, кои можат да доживеат повеќе од 2000 години историја на едно место. Луѓето кои ја сакаат Ноќта на вештерките обожаваат да го посетуваат ова место, и поради самото место и поради забавите што се одржуваат во тоа време, а можат и да преспијат ако сакаат.
Сепак, сите овие места, колку и да е тажна и мрачна приказната што ја носат со себе, како што можете да видите, веќе се на списоците и обиколките на многу комерцијални агенции. Сепак, има многу помалку познати дестинации, од затворите на КГБ во поранешните советски републики до катакомбите во Палермо, до многу други
