Мразот на антарктикот најверојатно се намалил на рекордно ниско ниво минатата недела, вчера објавија американските научници, што е најмала количина во последните 45 години од водењето сателитски записи.
Националниот центар за снег и мраз (NSIDC) на Универзитетот во Colorado Boulder објави дека морскиот мраз на Антарктикот паднал на 1,79 милиони квадратни километри на 21 февруари.
Ова е помалку од претходниот негативен рекорд од 2022 година за 136.000 квадратни километри.
Научниците од NSIDC нагласија дека објавените податоци не се конечни, бидејќи сè уште е можно дополнително топење на мразот во доцната сезона. Тие рекоа дека ќе го објават конечниот број за големината на мразот со почетокот на март.
Топењето на морскиот мраз ги изложува подебелите ледени плочи што го поддржуваат дното на Антарктикот на бранови и повисоки температури.
Топењето на морскиот мраз нема видлив ефект врз нивото на морето бидејќи мразот е веќе во водата на океаните.
Морскиот мраз ги опкружува огромните ледени плочи на Антарктикот, проширувања на слатководни глечери кои се закануваат со катастрофално покачување на нивото на морето во текот на вековите, доколку продолжат да се топат со зголемувањето на глобалните температури.
Одговорот на Антарктикот на климатските промени е различен од оној на Арктикот, рече Ted Scambos, виш научен соработник во Институтот за истражување на животната средина CIRES.
Надолниот тренд на морскиот мраз можеби е сигнал дека глобалното затоплување конечно влијае на лебдечкиот мраз околу Антарктикот, но ќе бидат потребни уште неколку години за да се знае со сигурност, рече Scambos.
Циклусот на Антарктикот претрпува значителни годишни варијации – топење во лето и замрзнување во зима.
Во последните четири децении, континентот не го доживеа брзото топење што ги погоди ледените плочи на Гренланд и Арктикот поради глобалното затоплување.
Но, темпото на топење од 2016 година предизвикува загриженост дека би можел да преовладува значителен надолен тренд.
Топењето на морскиот мраз е проблем бидејќи помага да се забрза глобалното затоплување.
Кога белиот морски мраз, кој рефлектира до 90 отсто од сончевата енергија назад во вселената, ќе се замени со темно море без мраз, водата наместо тоа апсорбира сличен процент од сончевата топлина.
На глобално ниво, минатата година беше петта или шеста најтопла досега забележана и покрај влијанието на ладењето на природниот временски феномен La Nina.
