Научниците не потсетуваат дека шпоретите на плин го поттикнуваат глобалното затоплување.
Според новото истражување, готвењето со плин има полошо влијание врз вашето здравје отколку да живеете во град загаден од сообраќај или индустрија.
Иако професионалните и аматерски готвачи претпочитаат шпорети на плин наместо електрични алтернативи, новото истражување покажува дека шпоретите на плин произведуваат азот диоксид и ситни честички – опасни отрови кои се дел од плиновите што ги испуштаат возилата, пренесува Independent.
Ако тоа е вистина, таквите супстанции можат да ги иритираат белите дробови и да влезат во крвотокот, зголемувајќи го ризикот од развој на срцеви заболувања, рак, па дури и Алцхајмерова болест.
Децата и постарите се најчувствителни на овој вид на загадување на воздухот.
Една студија покажа дека плинските печки предизвикуваат скок на загадувачите на воздухот во затворените простории и тие можат да бидат многу повисоки од нивоата на загадувачки честички што лебдат на прометна градска улица.
За истражувачки цели, децата оделе на училиште со ранци опремени со монитори кои го снимале загадувањето на воздухот, пренесува списанието New Scientist.
Многу деца всушност биле изложени на поголемо загадување дома навечер додека еден од родителите подготвувал оброк на плински шпорет, отколку на загаден воздух на пат кон училиште, изјави проф. Frank Kelly од Imperial College во Лондон.
Плински шпорети и астмата
Резултатите од друга студија покажуваат дека еден од осум случаи на астма што се развива во детството во САД е всушност резултат на изложеност на шпорети на гас во затворени простори.
И проф. Kelly, кој не бил вклучен во студијата, се согласува дека печките на плин се „главен извор на загадување на воздухот во затворените простории“. И тој верува дека престојот во просторија со шпорет на плин може да биде причина за астма или други здравствени состојби кај чувствителните деца.
Ако детето со астма живее во домаќинството, веројатно ќе покаже повеќе симптоми на болеста отколку ако има електрична алтернатива во куќата, вели Kelly, и додава дека овој проблем е поизразен во помалите домови без соодветна вентилација.
Проблемот со загадувањето на воздухот во затворените простории неодамна стана фокус на проучување, како што е загадувањето на надворешниот воздух.
Шпорети на плин и глобалното затоплување
Професорот Steffen Loft од Универзитетот во Копенхаген се согласува со своите британски и американски колеги и тврди дека е многу веројатно дека „ризикот поврзан со изложеноста на азот диоксид од шпоретите на плин е поголем од ризикот од живеење во град со загаден воздух“.
Научниците не потсетуваат дека шпоретите на плин го промовираат глобалното затоплување.
Истражувањето спроведено во Соединетите Држави покажа дека истекувањето на метан од плинските печки има негативно влијание врз климата и може да се спореди со емисиите на јаглерод диоксид од околу 500.000 автомобили на бензин.
Во ЕУ, готвењето на плин може да изложи повеќе од 100 милиони луѓе на штетно загадување на воздухот во затворените простории, прекршувајќи ги регулативите за загадување на ЕУ кои важат за надворешниот воздух, објави невладината организација Clasp овој месец.
Дали треба да се стави предупредувачка етикета на шпоретот?
Сè повеќе се бараат шпоретите на плин во иднина да имаат ознаки за предупредување за здравствени ризици.
До 2025 година, ниту еден нов дом во Велика Британија нема да се загрева со фосилни горива, што значи дека сите речиси сигурно ќе бидат опремени со електрични индукциски шпорети и печки.
Во САД, согласно законот за намалување на инфлацијата, ќе се нудат субвенции до 1.340 американски долари за домаќинствата за префрлување од плински на индукциски печки во домаќинствата.
Ова е релативно едноставен начин да се намали изложеноста на штетни честички и азотен оксид, вели професорот Nicola Carslaw од Универзитетот во Јорк.
Во меѓувреме, на квалитетот на воздухот во затворените простории може да се влијае со почесто отворање на прозорците, проветрување на просториите и користење вентилатори, што може веднаш да влијае на квалитетот на воздухот.
Истражувањата покажаа и дека ефективни кујнски аспиратори можат да го намалат нивото на загадување за дури 55 проценти.
