Cronut

70

Миксот од француски кроасан и американската крофна е заштитен под име Cronut, благодарение на пекарот Доминик Ансел.

Тортичката што предизвика хистерија е ниту крофна ниту кроасан, но комбинацијата на двата познати деликатеси, француско лиснато тесто и крофна тесто, крем полнење и слатка глазура.

Еве како да ја направите дома оваа интересна тортичка по која полуде светот.

Состојки

За тестото

  • 250 мл топло млеко
  • 1 лажица сув квасец
  • 1/3 чаша шеќер
  • 2 јајца
  • 1 лажица ванилин шеќер
  • 2 ½ чаша брашно
  • 1 кафена лажичка сол
  • 1 чаша путер на собна температура

За преливот

  • ½ чаша шеќер во прав
  • 3 лажици јаворов сируп или мед
  • 1-2 лажици млеко, павлака или вода

Во поголем сад се меша млекото и квасецот и се чека да втаса. Додадете шеќер, јајца и ванила, па добро измешајте. Додадете една чаша брашно и сол, па постепено додавајте брашно мешајќи и месејќи го тестото неколку минути, додека не стане меко и еластично. Преместете го тестото во сад и покријте го со пластична фолија, па ставете го во фрижидер 30 минути. во меѓувреме изматете го путерот и преостанатото ¼ брашно со миксер неколку минути додека се изедначи.

Кога тестото ќе се олади префрлете го на маса поросена со брашно и растегнете правоаголник со димензии 33х46 см и дебелина 1 см. Премачкајте го тестото со путер и превиткајте го на 3 дела, еден врз друг. Покријте со пластична фолија и повторно ставете го во фрижидер уште 30 мин.

Кога ќе го извадите повторно развлечете го во правоаголник со истите димензии и превиткајте го на три дела како и првиот пат. Повторно вратете го во фрижидер. Повторете го ова уште два пати за да добиете повеќе слоеви. Значи, вкупно треба да ја повторите постапката 4 пати и тестото да отстои во фрижидер 4 пати. Кога ќе завршите со слоевите ставете го тестото повторно во фрижидер, но еден час или во текот на ноќта.

Кога тестото е подготвено за печење разлечете го во слој со дебелина 3-5 см, па со чаша вадете крофни.