Warren Buffett е еден од најпочитуваните инвеститори во светот, а ужива и репутација по својата животна мудрост која со задоволство ја споделува со деловниот свет, но и со пошироката јавност.
Затоа, се поставува прашањето, како американскиот бизнисмен го стекнал знаењето кое му послужило за големите достигнувања за кои пишуваат медиумите ширум светот.
Во својот есеј во книгата „Getting There: A Book of Mentors“, во која 30 влијателни лидери ги споделуваат своите тајни на успехот, Buffett откри дека научил многу од неколку луѓе, кои ги нарекува „херои“, пишува CNBC.
Еден од нив е Tom Murphy, поранешен извршен директор на Capital Cities/ABC Inc. Buffett го опиша Murphy како исклучително способна деловна личност.
„Не мораше да вика или нешто слично. Сè правеше на многу опуштен начин“, рече тој.
Практикување емоционална дисциплина
Пред повеќе од 40 години, напиша Buffett, Murphy му одржа лекција за важноста да ги препознае и контролира своите емоции.
„Warren, секогаш можеш некому да му кажеш утре да оди во пеколот. Тоа беше еден од најдобрите совети што сум ги добил“, се сеќава тој.
Murphy смета дека во „жешка ситуација“ најпаметното нешто што можете да направите е да ја држите устата затворена. Според него, ако ги изгубите нервите, поголема е веројатноста да направите нешто за што подоцна ќе зажалите. И штом ќе кажете, особено во денешниот технолошки свет, каде што сè што ќе кажете може да стане вирално, не можете да го вратите моментот.
„Заборавете на тоа на еден ден. Ако утре го чувствувате истото, тогаш кажете им, но не реагирајте во момент на лутина!“, рече Warren Buffett.
Да научите како да управувате со вашите емоции не е лесно, но вреди да се практикува. Ако им дозволите да дивеат, тоа може да доведе до лоши одлуки, па дури и да ја наруши репутацијата, посочи тој.
Според Richard Orbe-Austin, психолог и лидерски консултант, можете да ја зајакнете вашата емоционална дисциплина користејќи „техники како што се медитација, свесност и дишење“. Посветеноста на овие практики може да „помогне во управувањето со емоциите, кога сме во ситуации кои можат да ги поттикнат“, додаде тој.
Buffett не ги советува луѓето да не изразуваат емоции. Наместо тоа, тој ги истакна придобивките од препознавањето, испитувањето и разбирањето. Ова создава повеќе време и простор за јасност, што овозможува попретпазливи одлуки.
Емоционалната интелигенција е клучна
Советите на Murphy се длабоко поврзани со концептот на емоционална интелигенција. Емоционално интелигентната личност поседува и вештини за самосвест и социјална свесност. И двете се од суштинско значење за развивање и одржување на добри односи, јасна комуникација, управување со конфликти и успех.
Buffett добро го знае ова. Како што истакна Паулин Јан, портфолио менаџерка која води блог за лични финансии, во едно неодамнешно интервју за CNBC, Ворен е одличен инвеститор бидејќи не само што е свесен за своите емоции, туку е способен и да ги разбере чувствата на другите.
Инвеститорот препознава дека емоциите ја водат играта и го користи својот увид во она што го чувствува масовното население за да донесе мудри инвестициски одлуки“, објасни Јан.
Како што вели таа, со практикување на емоционална дисциплина ќе бидете далеку подобро опремени за да ги постигнете посакуваните резултати во животот.
