Владата на New South Wales во петокот соопшти дека милиони риби угинале во реката Darling во близина на градот Menindee.
Ова е трето вакво масовно убивање риби во областа од 2018 година.
Голема еколошка катастрофа погоди река во австралискиот New South Wales, при што на нејзината површина пливаа милиони мртви риби во различни фази на распаѓање. Во исто време тој дел од Австралија беше зафатен од топлотен бран.
На социјалните мрежи се објавени видеа од угинати риби, а чамците всушност не пловеа на површината, туку минуваат низ безброј количества мртви риби.
Владата на New South Wales во петокот соопшти дека милиони риби угинале во реката Darling во близина на градот Menindee, на околу 12 часа возење од Sydney. Ова е трето вакво масовно убивање риби во областа од 2018 година.
Навистина е ужасно, колку што можете да видите има мртви риби. Нереално е да се сфати. Влијанието врз животната средина е непроценливо, изјави за AFP Graeme McCrabb, жител на Menindee.
Популацијата на харинга и крап се зголеми во реката по неодамнешните поплави, според локалните власти, но сега изумираат во огромен број бидејќи водите од поплавите се повлекуваат.
Овие помори на риби се поврзани со ниски нивоа на кислород во водата (хипоксија) додека поплавните води се повлекуваат. Моменталното топло време во регионот, исто така, ја влошува хипоксијата, бидејќи топлата вода содржи помалку кислород од студената вода, а рибите имаат поголеми потреби од кислород на повисоки температури, соопшти владата на New South Wales.
A fresh maior fish kill at Menindee Weir pool near Broken Hill. Locals say one million dead. @2GB873 @9NewsSyd pic.twitter.com/YCkA78NbgL
— Chris O'Keefe (@cokeefe9) March 17, 2023
Претходниот помор на риба во Menindee е припишан на недостаток на вода во реката поради продолжената суша и отровниот цвет на алги што се протегал на 40 километри од реката Darling. Локалните власти уште во 2019 година предупредиле дека вакви помори ќе има уште.
Портпаролот на Државниот оддел за рибарство, Cameron Lay, изјави дека глетката на река задушена со мртви риби го оставила набљудувачот запрепастен.
Малиот град Menindee има население од околу 500 луѓе, а во последниве години е уништен од суша и поплави.
