Актерката Елизабет Бовен го спореди звукот со „онаа сцена во филмот каде некој налетува на сатанистички култ среде шума“.
НАСА денеска објави на Твитер аудио снимка од звуци кои доаѓаат од брановите под притисок на црните дупки и потоа минуваат низ група галаксии. Звуците се прилично морничави, пренесува Business Insider.
„Постои лажна претпоставка дека во вселената има тишина бидејќи вселената е главно вакуум, низ кој звучните бранови не можат да патуваат. Јатото галаксии имаат толку многу гас што успеавме да ги снимиме звуците“, е објавено на Твитерот на НАСА.
The misconception that there is no sound in space originates because most space is a ~vacuum, providing no way for sound waves to travel. A galaxy cluster has so much gas that we've picked up actual sound. Here it's amplified, and mixed with other data, to hear a black hole! pic.twitter.com/RobcZs7F9e
— NASA Exoplanets (@NASAExoplanets) August 21, 2022
Човечкото уво едноставно не може да го слушне овој звук поради неговата длабочина. Опсерваторијата Чандра фати податоци од брановите во галаксиите во Персеј, видливи со рендгенски зраци, кои личат на тивки звуци. Не долго потоа, НАСА го префрли звукот од оригиналниот регистар на оној што луѓето можат да го слушнат. Станува збор за фреквенција која е за 144 и 288 квадрилиони повисока од оригиналот.
Иако НАСА првпат го објави видеото во мај, тоа стана вирално дури денеска и предизвика вистинска лавина од реакции.
„Ова е кул и многу, многу морничаво“, напиша водителот на Си-Ен-Ен Џим Счиуто на Твитер.
Твитер профилот за подкастот BlindBoy објави дека црната дупка звучи како „милијарди души во агонија“, а канадската актерка Елизабет Боуен го спореди звукот со „онаа сцена во филмот кога некој ќе налета на сатанистички култ среде шума“.
That scene in the movie when someone accidentally stumbles upon some sort of satanic cult in the middle of the woods https://t.co/5WgyePLQzm
— Elizabeth Bowen (@MissLizBowen) August 22, 2022
„Сите зборуваат за тоа колку е ова морничаво, но најстрашно ми е како звукот едноставно престанува“, вели астрономскиот блогер Фил Плаит.
Да потсетиме дека кога НАСА првпат ја објави снимката, сподели и малку попријатна сонификација на звуците од М87, црна дупка чија фотографија е објавена од проектот „Event Horizon Telescope“ уште во 2019 година.
„Тој звук доаѓа и од податоците од телескопот Чандра, но вклучува и аудио интерпретации од телескопот Хабл и радио бранови од астрономскиот проект АЛМА во Чиле. Таквата комбинација бара поголема креативност отколку едноставно прилагодување на фреквенцијата, а НАСА ја претвори во убава музика“, пренесуваат светските медиуми, додавајќи дека најгласниот дел од звуците од М87 одговараат на најсветлиот дел од фотографијата – токму тој каде што се наоѓа црната дупка.
