Со откопување на корените во потрага по храна, тие го ослободуваат јаглеродот заробен во почвата.
Дивите свињи може да изгледаат како невини жители на природата, но новото истражување открива дека тие имаат поголемо влијание врз климатските промени отколку емисијата на штетни гасови од милион автомобили, пишува Wired.
Научниците од Австралискиот универзитет во Queensland велат како со копањето корени во потрага по храна ослободуваат јаглерод заробен во почвата, и така предизвикувајќи годишно ослободување од 4,9 милиони метрички тони јаглерод диоксид низ целиот свет. Тоа е еднакво на испуштање емисии од 1,1 милиони автомобили.
Меѓународен истражувачки тим користел модели и напредни техники за мапирање за прецизно одредување на климатските штети што дивите свињи ги предизвикуваат на пет континенти.
Д -р Christopher O’Brian, главниот автор на студијата, предупредува дека растечката популација на диви свињи во светот може да биде значајна закана за климата, пишува Study Finds.
Дивите свињи се како трактори
„Дивите свињи се како трактори што ораат ниви, ја превртуваат земјата за да најдат храна“, рече O’Brian во соопштението за печатот. „Кога тлото е нарушена од луѓе што ја ораат земјата или кога дивите свињи ги откорнуваат корените, јаглеродот се ослободува во атмосферата.
„Бидејќи почвата содржи три пати повеќе јаглерод отколку атмосферата, дури и мала количина јаглерод од почвата може да ги забрза климатските промени“, вели авторот на студијата. „Нашите модели покажуваат широк спектар на резултати, но укажуваат дека дивите свињи моментално искоренуваат површина од 36.000 до 124.000 квадратни километри во недомаќински средини.“
Тоа е огромна количина земја и не само што влијае на здравјето на почвата и емисиите на јаглерод, туку и го загрозува биодиверзитетот и безбедноста на храната, клучни за одржлив развој.
Треба да ја ограничат областа на движење
„Инвазивните видови се наш проблем, затоа треба да ја препознаеме и преземеме одговорноста за нивните импликации врз животната средина. Ако им се дозволи на инвазивните видови да се шират во области со изобилство на јаглерод во почвата, ризикот од емисии на стакленички гасови ќе се зголемува во иднина. Дивите свињи се многу плодни и предизвикуваат голема штета, со нив е скапо и предизвикувачко за управување“, предупредува Nicholas Patton, од Универзитетот во Canterbury, Нов Зеланд.
„Ограничувањето на дивите свињи дефинитивно ќе бара соработка во повеќе јурисдикции, а нашата работа е само да помогнеме подобро да се разбере нивното влијание врз климатските промени. Во меѓувреме, треба да продолжиме да ги следиме екосистемите и почвите кои се чувствителни на инвазивни видови поради губење на јаглерод“, заклучува Patton.
