Деветгодишното аутистично девојче од Мексико Адхара Перез има IQ 162, што е повисоко од оној на Алберт Ајнштајн и Стивен Хокинг (160).
Иако страда од Аспергеров синдром и аутизам, таа студира на два универзитета и сонува да стане астронаут.
На тригодишна возраст, таа веќе знаеше алгебра и беше примена во Центарот за грижа за таленти во Мексико, каде заврши средно училиште на осумгодишна возраст. Иако е натпросечно интелигентна, децата во одделението не беа премногу дружеубиви поради здравствените тешкотии што ги има. Таа трпела малтретирање две години.
Девојчето, кое според магазинот Форбс е една од највлијателните жени кај Ацтеките, сонува да биде астронаут, но поради годините не успеа да се запише на Националниот универзитет во Мексико.
Во моментов, Адхара студира преку Интернет на два универзитета: индустриски инженеринг, со специјализација по математика и инженерство на системи. Развива паметна нараквица што ги следи емоциите на децата со попреченост и која може да предвиди и спречи разни напади што се јавуваат поради болест.
Времето го поминува и во пишување на книгата „Не се предавај“, особено посветена на деца со проблеми како нејзините. Нејзиниот сон е да присуствува на Универзитетот во Аризона и затоа учи англиски јазик како подготовка за оваа цел, за да може да студира астрофизика и еден ден да стане астронаут.
