Глечерот Theodul, како и другите глечери на Алпите, видно се намалува во последните години.
Човечките останки пронајдени на глечер недалеку од швајцарскиот Matterhorn му припаѓаат на германски алпинист кој исчезнал во 1986 година, а ова откритие е само една од долго чуваните тајни на алпските глечери кои се топат поради климатските промени, а поради кои и оваа последна тајна излезе на виделина.
Телото било пронајдено на почетокот на месецот од страна на алпинисти кои го преминувале глечерот Theodul, над Zermatt, откако забележале замрзнат алпинистички чевел како стрчи од мразот.
ДНК анализата потврди дека се работи за германски алпинист кој исчезнал пред 37 години. По него била започната опсежна операција за пребарување и спасување, но таа не вродила со плод.
Полицијата не го навела идентитетот, потврдувајќи само дека тој имал 38 години во моментот на исчезнувањето.
Глечерот Theodul, како и другите глечери низ Алпите, видно се намалува во последните години. Theodulе дел од целогодишниот скијачки регион Zermatt, најголем во Европа.
До 80-тите години на минатиот век, Theodul сè уште бил поврзан со соседниот глечер Gorner, но сега тие се одвоени.
Скоро секое лето, мразот што се топи открива нешто или некој што исчезнал пред неколку децении. Така, минатата година, остатоците од авионот што се урнал во 1968 година се појавиле од глечерот Aletsch.
