Кога попладне ќе почувствувате пад на енергијата, можеби ќе посегнете по кесичка чипс, но недостатокот на хранливи материи во таквата храна нема да го намали заморот или да ја зголеми ситоста.
Но, постои една намирница која може да направи разлика – оревите.
Јаткастите плодови се широко достапни протеини од растително потекло. Според кардиолозите, тие можат да бидат здрава ужина, а има и една која е особено корисна за здравјето на срцето.
Сите јаткасти плодови се генерално здрави за јадење. Само треба да бидете сигурни дека тие се несолени, особено ако имате историја на висок крвен притисок.
Држете се настрана од печени јаткасти плодови
Вообичаена порција од 30 грама солени јаткасти плодови содржи 95 милиграми натриум, што е многу. Исто така, според докторот, добро е да се изберат сорти без масло.
Јаткастите плодови како бадеми, ореви и ф’стаци можат да бидат многу корисни. Тие се добар извор на влакна, мононезаситени масти, омега-3 масни киселини и витамин Е.
Оревите се особено здрави за срцето бидејќи се богати со протеини и антиоксиданси, како и со омега-3 масни киселини кои помагаат во намалување на холестеролот.
Научните студии покажуваат дека редовното консумирање ореви го намалува ризикот од кардиоваскуларни заболувања.
Покрај тоа, антиоксидансите во оревите се корисни за кардиоваскуларното здравје бидејќи помагаат во спречување на воспаление кое може да предизвика срцеви заболувања и други здравствени проблеми.
Внимавајте на количината
Како и повеќето други јаткасти плодови, оревите лесно може да се вградат во оброците или закуски бидејќи се разноврсни. Можете да ги јадете сами, да ги додадете во салати или десерти. А уште подобрата вест е дека тие се одлични и за здравјето на мозокот.
Здравјето на срцето и крвните садови му овозможува на телото полесно да го снабдува мозокот со хранливи материи и кислород што му се потребни за развој.
Без разлика дали избирате ореви или некои други јаткасти плодови, внимавајте на големината на порцијата, не консумирајте повеќе од една шака дневно.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
