Најмалку 2.000 мумифицирани глави на овни од династијата Птоломеј се пронајдени во храмот посветен на фараонот Рамзес II во античкиот град Абидос во јужен Египет.
Египетското Министерство за туризам и антиквитети објави дека во храмот се пронајдени и мумифицирани овци, кучиња, диви кози, газели и мунгоси, пренесува Ројтерс.
Се претпоставува дека жртвите се доказ дека тогашните Египќани биле посветени на култот на Рамзес II и неколку илјади години по неговата смрт, додаваат од министерството.
Научниците од Институтот за проучување на античкиот свет на Универзитетот во Њујорк, кои ги водат овие ископувања, покрај мумифицираните животни откриле и структура на палата од периодот на шестата династија на Старото Кралство, чии ѕидови се дебелина повеќе од пет метри.
…recovered a number of statues, papyri, remains of ancient trees, leather garments, and shoes.https://t.co/0mbXrTloUn
2/2 pic.twitter.com/r44foDZW3H
— Nina Willburger (@DrNWillburger) March 25, 2023
Абидос некогаш бил некропола за членовите на владејачката класа на египетските фараони и свето место посветено на богот Озирис.
