8 совети на невробиолозите за тоа како да станете среќни еднаш и засекогаш

2202

Постојат илјадници совети и психолошки методи како да се чувствувате среќни и да се радувате на секој нов ден. Но, што може да нѝ советува нашиот сопствен мозок?

Еве зошто и кога нашиот мозок нѝ обезбедува чувство на целосно задоволство

Научете да кажете “благодарам”

 Што се случува

Кога се заблагодаруваме на некој човек или на судбината за нешто, тогаш се фокусираме на позитивните аспекти на животот.

Убавите сеќавања и чувството на благодарност стимулираат секреција на серотонин во предниот дел на кората на големиот мозок. Овој метод често се користи во третманот на депресијата.

Проблемите решавајте ги еден по еден

Што се случува

Мозокот 24 часа бара решение за секој проблем што нѐ мачи. На тоа се троши многу енергија, па затоа се чувствуваме нервозни и надразливи ако мозокот се уморил, а решение сѐ уште нема.

Но, за секое решение, тој го зголемува процентот на невротрансмитерите, кои го смируваат лимбичкиот систем и нѝ помагаат повторно да го видиме светот во најдобро издание. Затоа е најдобро да ги решаваме проблемите еден по еден.

Кажете ги гласно сите лоши работи што се акумулирале

Што се случува

Кога едноставно гледаме нешто непријатно и кога зборуваме за она што не нѝ се допаѓа, се активираат различни делови од мозокот.

Во вториот случај, непријатните емоции имаат помало влијание врз човекот. Затоа е корисно да се зборува за сè она што ви се насобрало, па мозокот ќе почне да го лачи серотонинот, дури ќе извлече нешто позитивно од непријатностите.

Допири и прегратки

Што се случува

За човекот е важно општественото влијание. Социјалната поддршка, особено допирите и прегратките, му помагаат на човекот да закрепне побрзо по болеста.

Ако од животот се отстрани тактилната комуникација, мозокот ќе го разбере тоа како физичка болка, бидејќи за тоа се одговорни истите зони. Како резултат на тоа, ќе се активираат процеси кои влијаат на расположението и потпомагаат појава на депресија.

Учење, учење и само учење

Што се случува

Новите информации за мозокот претставуваат постојана промена на средината. Затоа тој се труди да се прилагоди, развива и да се наградува себеси со допамин, хормонот на среќата, за да ги добие и процесира новите информации.

Ако сакате да бидете среќни, не плашете се да пробате нешто ново, да ја промените околината и да научите сè што уште не сте научиле.

Занимавајте се со спорт

Што се случува

Физичко оптеретување – тоа е стрес за телото. Штом оптеретувањето завршува со стрес, се лачи ендорфинот. Него го лачи хипофизата како награда и сличен е на опијатите (на пр. морфиумот), кои ја намалуваат болката и го зголемуваат расположението.

Вие не мора да трчате маратони, дури и обична прошетка може да направи чуда. Не го сметаат залудно многу писателите и композиторите за задолжителен услов на креативниот процес.

Цврсто спијте

Што се случува

Додека спиеме во мракот, се лачи хормонот мелатонинот; тој ги успорува сите процеси во телото, помага да се регенерира и го зголемува нивото на серотонинот во хипоталамусот.

Ако мозокот ја почувствува промената на светлината, почнува да се лачи хормонот на стресот, за да го разбуди телото побрзо. Затоа е важно да спиете 6-8 часа дневно, само во темна соба.

Продолжете да чекате нешто пријатно

Што се случува

Процесот на чекање на задоволство, како што се храната или сексот, е сличен на рефлексот на лачењето на плунката, кој го открил Павлов. Нашиот мозок чувствува особено задоволство кога има претчувство дека нешто ќе се случи пријатно.

Затоа сакаме да броиме часови и минути до некој посебен момент – роденден, свадба, средба со пријател или едноставно – крајот на работниот ден.