Неверојатна статуа на божицата била откриена од локален фармер кој копал земја во Кан Џунис на југот во Појасот Газа.
Ова откритие на статуа направена од варовник е потсетник дека Појасот Газа некогаш бил дел од важна трговска рута за древните цивилизации и дека некогаш бил хананеска населба.
Главата на статуата е висока 22 сантиметри и јасно го покажува лицето на божица која носи круна од змија.
„Случајно ископав нешто толку вредно. Беше многу валкана, па прво ја измив. Кога ја видов, сфатив дека тоа е богатство, но не знаев дека има толку голема археолошка вредност. Му благодарам на Бога и горди сме што таа останала на нашата земја во Палестина уште од античко време“, рекол фармерот, пренесуваат странските медиуми по повод ова откритие.
Статуата на Анат, едно од најпознатите ханаански божества, сега е изложена во Каср ал-Баша, историска зграда што служи како еден од ретките музеи во Газа. Џамал Абу Рида од Министерството за туризам и антиквитети рече дека статуата е „отпорна на временските услови“ и дека нејзиното откритие има политичка позадина.
„Ваквите откритија докажуваат дека Палестина има цивилизација и историја и дека тоа никој не може да го негира“, истакна Абу Рида.
