Најголемото изненадување од одржаниот Евросонг секако е успехот на македонската пејачка Тамара Тодевска, која речиси цело време била водечка од страна на жирито, но кога водителите ги прочитате гласовите на телевизиските гледачи таа завршила на 8-та позиција.
“Речиси добив инфаркт, Македонија никогаш не била толку блиску до победата, како сега. Ова е голем успех за нас. Додека траеше гласањето, се чувствував многу еуфорично. Задоволна сум како на крајот испадна и воопшто не сум разочарана од конечниот исход. Голема благодарност до Хрватска на гласовите. Ја сакам вашата земја, особено Сплит, каде што секогаш сакам да се вратам. Не можам да дочекам да дојдам повторно! Многупати како малечка патував на летен одмор во Дубровник. Инаку, татко ми многу години свирел на Летните игри во Дубровник. Значи, Хрватска секогаш ми била во срцето”, изјави Тамара по прогласувањето на победникот.
Нејзината песна Proud зборува за еднаквоста, прифаќањето и самољубие.
“Ја слави женственоста и феминизмот, но се однесува и на мигрантите, како и на ЛГБТ заедницата. Накратко, сите оние кои се борат за еднаквост и кој е омаловажуван, поради тоа што е. Ова е песна на мојот живот, поради што плачам секој пат кога ја изведувам”, емотивно изјави пејачката.
Ова е нејзиниот четврти пат да настапува на Евровизија. Прв пат во 2008. година, а двапати е пратечки вокал, во 2014 година, на својата сестра Тијана Дапчевиќ и во 2004. година на покојниот македонски славеј, Тоше Проески. Откако во декември минатата година го роди синот одлучила уште еднаш да се впушти во евровизискиот предизвик, а песната Proud ја посвети на својата ќерка.
Тамара е родена на 1 јуни 1985. година во Скопје и доаѓа од реномирана музичка фамилија: таткото Вељко е професор по музика, а мајката Билјана е оперска пејачка. Својата прва јавна изведба ја имаше на шест години кога сите кои ја слушнале кажале дека пред неа е убава музичка иднина.
slobodnadalmacija.hr
