Богатите нации мора да ја спречат алчноста по вакцините ако сакаат крај на пандемијата, рече главниот научник на СЗО.
Др. Soumya Swaminathan, главен научник на Светската здравствена организација (WHO), за DW изјави дека вакцинацијата не е доволна за да се стави крај на пандемијата.
Таа повика на „вакцинска еднаквост“, односно рамномерна распределба на вакцините и испорака на медицински помагала во посиромашните земји, со цел да се спречи ширењето на коронавирусот, кој е виновен за појавата на COVID-19, односно неговата континуирана мутација.
Вакцините се ефикасни, но „не 100%“
“Вакцинирањето е само една алатка. Но, тоа не е универзално решение“, подвлече д-р Soumya Swaminathan. „Вакцините се многу ефикасни против заштита од тешкиот и комплициран тек на болеста. Но, вакцините не штитат 100 отсто од инфекција.”
Иако појавата на инфекција кај вакцинираните луѓе е сè уште ретка, вакцинацијата не значи дека лицето не може да го пренесе вирусот на друго лице со поголем ризик, додава таа.
„Сè уште имате земји со високи стапки на вакцинација, каде што стапката на инфекција расте“, објаснува Др. Soumya Swaminathan. „И колку се повисоки стапките на пренос на инфекција, толку е поголем ризикот од генерирање нови варијанти, кои потоа се враќаат и повторно ги инфицираат луѓето, дури и ако се вакцинирани. Навистина, постои силен научен аргумент за продолжување на примената на мерките за короната сѐ додека сите во светот добиваат заштита“.
Нема крај на пандемијата без еднаква достапност на вакцини
Др. Swaminathan, исто така експерт за ХИВ и туберкулоза, вели дека коронавирусот најдобро ги покажал димензиите на глобалната нееднаквост и довел до она што се нарекува „пандемија со две патеки“.
„Постои еден дел од светот каде што се вакцинирани голем број луѓе. Се чини дека животот таму се враќа во нормала. За жал, половина од светот сè уште нема пристап до вакцини. Помалку од 2% од луѓето на африканскиот континент се целосно вакцинирани, а нивните животи е далеку од нормални“.
Единствениот начин да се запре пандемијата засекогаш, вели научникот Др. Swaminathan, е богатите нации да покажат поголема солидарност:
„Пандемијата че потрае подолго сем ако светот не одлучи да се обедини и стане солидарен и да ги подели апаратите, вакцините, начинот на дијагностицирање, лечењето и терапиите кои ги имаме денс, за да ја запреме смртта на пациентите. Сè уште има над 40.000-45.000 луѓе кои умираат од COVID-19 во светот секоја недела и тоа треба да престане“.
Подготовка за следната пандемија
Др. Сваминатан ја повика меѓународната заедница да инвестира во подготовките за идна пандемија за да се избегнат разорните последици што светот ги виде во последните 20 месеци.
“Светот треба повторно да размисли за подготвеноста за пандемијата”, рече водечки научник на ОН, додавајќи дека има неколку прашања што меѓународната заедница треба да ги реши. “Како навистина се подготвувате за да ја спречите следната пандемија? И ако тоа не е сосема можно, што треба да се открие навреме и во рана фаза? И како да се одговори на тоа?”
Таа, исто така, посочи дека плановите за превенција ќе бараат финансирање и ќе бидат поставени на глобално ниво на начин што ќе овозможи споделување на податоците низ целиот свет.
Каква е моменталната состојба на глобално ниво?
Некои земји како Канада, Кина, Данска и Португалија, според Др. Swaminathan, имаат 75 или повеќе проценти од населението целосно вакцинирани. Други земји, како Нигерија, Етиопија, Сирија и Авганистан, имаат помалку од 5 проценти вакцинирани.
Според податоците за короната на New York Times, околу 49,7% од светската популација примила најмалку една доза од вакцината.
Светската здравствена организација не ја прогласи новата мутација на Ковид-19 за „посебна причина за загриженост“ откако се појави многу заразната делта варијанта минатата пролет. Сепак, таканаречената варијанта делта плус ги загрижи лекарите во Израел и Јапонија.
Голем број богати земји со релативно високи стапки на вакцинација веќе ги укинаа ограничувањата поврзани со пандемијата, во некои случаи и покрај зголемувањето на бројот на заразени – како што е Велика Британија, која во голема мера го укина задолжителното носење маски на јавни места. Данска, каде 76% од населението е целосно вакцинирано, ги повлече речиси сите мерки за контрола на Ковид-19.
