„Роскосмос“ | Калисто е можно место за живеење

205

Руската вселенска агенција „Роскосмос“ смета дека Калисто, втората по големина месечина на Јупитер, е можно место за живеење на луѓето.

Ова го рече Александар Блошенко, директор за долгорочни програми на „Роскосмос“.

Кога станува збор за местата што се најдобри за колонизација, Калисто е трет најдобар, по Месечината и Марс – рече Блошенко, пренесува „Russia Today“.

Вниманието на „Роскосмос“ особено го привлече големата ледена површина на природниот сателит на Јупитер, која може да скрие подземен океан со течна вода.

Покрај тоа, сеизмичката активност на Месечината на Јупитер значи дека Калисто мора да има топло централно јадро.

Ја открил Галилео Галилеј во 1610 година, а Калисто долго време се смета за можно место за идно живеење на луѓето. Поради ниското ниво на зрачење и стабилност, се верува дека еден ден тоа би можело да биде основа за понатамошни истражувања во Сончевиот систем.

Во 2022 година, Европската вселенска агенција планира да испрати „Explorer of Jupiter Satellites“ („JUICE“) за да проучи три небесни тела за кои се претпоставува дека на нив може да се живее.

Ќе бидат потребни повеќе од седум години за оваа мисија да стигне до Јупитер.

Претходно оваа недела, директорот на „Роскосмос“, Дмитриј Рогозин, објави дека вселенската агенција планира да испрати сонди на Венера, нарекувајќи ја „Руска планета“.