Многу болести може да се откријат и дијагностицираат со помош на биомаркери во крвта или други телесни течности, но тоа не беше случај и со Паркинсоновата болест до сега.
Сепак, научниците се на работ на успех во пронаоѓањето на биомаркери за оваа болест.
Меѓународен тим на истражувачи откри нова „алатка“ која може да ја открие клучната патологија на Паркинсоновата болест во мозокот и клетките.
Откривањето на нов биомаркер, познат како абнормален алфа-синуклеин (α-synuclein), претставува нова перспектива за истражувањето на Паркинсон, според “The Michael J. Fox Foundation for Parkinson’s Research”.
Алатката, позната како тест за засилување на семето на α-synuclein, може да открие патологија во спиналната течност, како за оние на кои веќе им е дијагностицирана болеста, така и за лицата кои се изложени на висок ризик да ја развијат, но сè уште не се дијагностицирани или немаат клинички симптоми.
Лабораториското тестирање може да потврди присуство на абнормален α-synuclein, кој се наоѓа кај повеќето луѓе со Паркинсонова болест.
Од оние кои учествувале во тестирањето, откриено е дека 93 проценти имаат абнормален α-synuclein.
„Никогаш досега не сме можеле да видиме кај жив човек дали оваа биолошка промена на α-synuclein се случува во нивното тело“, вели д-р Тод Шерер.
Протеинот кој се наоѓа во нервниот систем, α-synuclein, може да почне да се акумулира на погрешен начин и да ги оштети невроните, предизвикувајќи развој на Паркинсонова болест, слично како амилоидот во Алцхајмеровата болест може да се акумулира во мозокот. Досега било можно само да се потврди присуството на овие акумулации со постмортална анализа.
Фондацијата нагласи дека новата технологија „експлоатира патолошка карактеристика на α-synuclein“, што предизвикува блискиот нормален α-synuclein погрешно да се преклопува и згрутчува.
Научниците тестирале околу 1.123 примероци од спинална течност и откриле дека тестот е абнормален кај помалку од пет проценти од луѓето кои немале Паркинсонова болест.
– Трогнат сум и воодушевен од ова откритие – изјави ко-основачот на фондацијата Michael J. Fox и додаде:
Многу сум благодарен за поддршката на пациентите и истражувачите кои се во него со нас додека продолжуваме да ја „рушиме“ вратата на патот кон искоренување на Паркинсоновата болест еднаш засекогаш. Оптимизираните тестови, исто така, би откриле α-synuclein преку земање крв или брис од носот, пренесува CNN.
