Луѓето со дијабетес имаат двојно поголем ризик од мозочен удар, па затоа треба да обрнат дополнително внимание на читањето на етикетите.
Луѓето кои сакаат да го намалат внесот на шеќер од здравствени причини и да се свртат кон алтернативни засладувачи треба да размислат што точно избираат наместо шеќер.
Имено, откако пред неколку години е откриено дека вештачкиот засладувач аспартам не е толку здрав како што се мислело, многумина се свртиле кон „поприродна“ алтернатива на стевиа. Но, се чини дека ниту тоа не е баш најдобар избор.
Во нова студија објавена во Journal of Applied Physiology, истражувачите од Универзитетот во Colorado Boulder откриле дека еритритолот, органско соединение што се користи во производите од стевиа, може да предизвика сериозни проблеми во мозокот.
Според нив, еритритолот се создава за време на ферментацијата на пченката и долго време се смета за еден од најдобрите засладувачи на пазарот. Но, студијата утврди дека е подеднакво штетен како и аспартамот.
Во својата работа, професорот по интегративна физиологија Christopher DeSouza и постдипломецот Auburn Berry, се обидоа да дознаат повеќе за корелацијата помеѓу повисокиот циркулирачки еритритол во крвта и зголемениот ризик од мозочен и срцев удар.
Во лабораториски експеримент, тие откриле дека клетките кои биле заситени со еритритол имале пониски нивоа на азотен оксид, кој ги шири и опушта крвните садови, и ослободуваат повеќе „слободни радикали“ кои предизвикуваат воспаление и стареење на ткивните клетки. Во превод, клетките изложени на еритритол правеле спротивно од она што требало.
Количината на еритритол што се користел за време на експериментот била еднаква на онаа што се наоѓала во пијалак без шеќер. Луѓето кои консумирале повеќе од еден таков пијалак дневно, предупредува DeSouza, може да доживеат уште полош воспалителен ефект.
Со оглед на епидемиолошките истражувања што ја инспирираа нашата работа, а сега и нашите наоди базирани на клетки, веруваме дека би било разумно луѓето да ја следат нивната потрошувачка на нехранливи засладувачи како овој, објасни професорот.
Авторот предупредува дека оваа студија била лабораториска студија спроведена на клетки и дека сега се потребни повеќе истражувања врз луѓето.
Тој додава дека луѓето со дијабетес имаат двојно поголем ризик од мозочен удар, па затоа треба да обрнат дополнително внимание на читањето на етикетите и избегнувањето храна со еритритол или „шеќерен алкохол“.
