Луѓето често не сфаќаат дека можат да се најдат во сопствените дворови, изјави еден палеонтолог.
Екстремните временски настани како што се сушата или поплавите можат да предизвикаат голема штета, но исто така откриваат одамна заборавени (и скриени) тајни.
Една таква тајна е откриена од поплавите во округот Тревис, Тексас. Имено, откако големите поплави ги измиле слоевите седименти и грмушки, отпечатоци од диносауруси биле пронајдени на камења стари милиони години.
Според американските медиуми, експертите кои ги испитале отпечатоците проценуваат дека се стари околу 115 милиони години. Пронајдени се најмалку 15 индивидуални отпечатоци, долги помеѓу 45 и 50 сантиметри.
Палеонтологот од Универзитетот во Тексас, Matthew Brown, објасни дека трагите се оставени од месојадни диносауруси, слични на Acrocanthosaurus, двоножен месојад долг приближно десет метри. Друг сет отпечатоци пронајдени малку подалеку би можеле да му припаѓаат на големиот тревопасен сауропод диносаурус Paluxysaurus. Патем, овој диносаурус е „официјален државен диносаурус на Тексас“.
Палеонтолозите од Универзитетот во Тексас го истражуваат подрачјето за да ги анализираат отпечатоците и да развијат план за нивна заштита.
Наскоро ќе се вратиме на местото за подетално да ги документираме трагите на мапи и 3Д слики, изјави Brown за ABC News. Тој додаде дека се надеваат дека ќе утврдат дали станува збор за повеќе диносауруси кои се движеле како група или поединци кои самостојно ја преминале областа.
Патем, како што истакнува Brown на крајот, пронаоѓањето отпечатоци од диносауруси во Тексас не е ништо ново.
Честопати луѓето не сфаќаат дека можат да се најдат во сопствениот двор, рече тој.
