2023 година собори рекорди што се однесува до температурата. Дали ни претстои уште едно пеколно лето?
Иако долгорочните прогнози се многу неблагодарни, бидејќи ситуациите можат многу брзо да се променат, научниците кои ги следат климатските промени и метеоролозите сепак можат да дадат груба проценка за тоа какво време не очекува ова лето.
Но, она што е сигурно е дека светот, вклучително и Европа, се движи од топлиот циклус El Niño кон студениот циклус La Niña. Тоа значи дека не очекува лето кое ќе се карактеризира со низа бранови на притисок и аномалии кои ќе се протегаат од Северна Америка се до Европа.
Податоците покажуваат дека El Niño забрзано опаѓа, но оваа промена ќе се почувствува само на долг рок и ќе стане актуелна на крајот на 2024 година. Така ова лето би можело да биде во средината на тие промени и да забележи некои необични аномалии.
Врз основа на податоците од последната промена од El Niño во La Niña, научниците проценуваат дека во текот на летото би можеле да забележиме аномалии со висок притисок кои ќе се појават во источниот дел на Тихиот Океан, особено околу тропските острови.
Што значи тоа?
Како што објаснуваат на страницата Severe Weather Europe, системите за притисок работат во парови, а забележителен пар е област со низок притисок во северниот дел на Пацификот и висок притисок над Соединетите држави и Канада. Друг силен пар е област со висок притисок над Северниот Атлантик, со тенденција на низок притисок над Европа.
Температурната аномалија за овој преоден модел покажува наднормални температури низ поголемиот дел од централниот и источниот дел на Соединетите Држави и јужна Канада, додека температурите под нормалата може да се забележат низ Европа.
Сепак, како што нагласуваат, оваа проценка се базира на податоци стари повеќе од 50 години, кога климата била нешто постудена од денешната.
Долгорочна прогноза за летото 2024 година.
Иако вообичаено се користат неколку различни модели за креирање на долгорочни прогнози, поради нивните различни „сигурности“, моделот ECMWF е статистички подобриот долгорочен модел и се смета за посигурен од другите.
Анализирајќи ги податоците, научниците посочуваат дека во текот на летото, на југот на САД, но и на северот и горниот дел на Средниот Запад, може да се забележи поголема тенденција за топлотни бранови и натпросечни температури. Од другата страна на океанот, во Европа, вакво сценарио може да почувствува и јужна Европа.
Гледајќи повнимателно на шемата за површинска температура над Европа, гледаме дека времето е потопло од вообичаеното во поголемиот дел од континентот. Најсилни аномалии и тенденции на топлотни бранови има над централните и јужните делови на континентот, нагласуваат од SWE.
Така, појавата на претежно топли аномалии е видлива над Северна Америка, особено над југозападниот дел на САД, кои се прошириле во рамнините, северниот дел на САД и горниот среден запад. Многу помалку силни топли аномалии се наоѓаат над источниот дел на САД.
Канада, исто така, ќе биде потопла од нормално во поголем дел од земјата, под влијание на област со висок притисок. Најсилните аномалии се видливи околу Големите езера и во јужна Канада
Во однос на врнежите, статистичкиот модел покажува претежно посуви услови предвидени над континентална Европа. Повеќе врнежи може да има над северните предели, повторно поради намален притисок и понестабилно време со западни ветрови.
Генерално, постојат индикации за влијанието на La Niña врз Европа, што обично е тешко да се следи, дури и во зима. Сепак, постојат некои видливи обрасци кои се слични на очекуваните аномалии на притисок за летото La Niña, додава SWE.
Друг избран модел е од Метеоролошката канцеларија на Обединетото Кралство, која покажува слична шема на ECMWF.
Според овој модел, зоните со низок притисок над Европа се поделени на два региони. Главната тенденција на топлотниот бран е повеќе кон исток и север. Западните делови сè уште се под топли аномалии, но моделот на притисок ги одржува аномалиите пониски.
Од друга страна, поради високиот притисок, постои силна тенденција за долготрајна топлина во централната и северната половина на САД, при што топлотните бранови се шират преку границата кон јужна Канада.
Прогнозата за врнежи покажува нормални до посуви услови во крајните западни и јужни делови на Европа. Повеќе врнежи се предвидуваат на крајниот север поради помал притисок и понестабилно време.
Извор: SWE
