Претпоставувам дека сега е официјално, го загадивме секој агол на нашата планета со микропластика – дури и најоддалечените делови на Антарктикот.
Една нова студија откри микропластично загадување во оддалечените снежни полиња на Антарктикот, што предизвикува загриженост за загадувањето со пластика дури и во најизолираните области на Земјата.
Дали е локален изворот на загадувањето?
Научниците од British Antarctic Surveya (BAS) идентификуваа микропластика во снегот во камповите длабоко во внатрешноста на континентот, што претставува првпат таква контаминација да биде откриена во овие оддалечени области. Некои честички биле ситни како црвени крвни зрнца.
Првичната проценка покажува дека микропластиката потекнува локално. Ова може да дојде од облека на отворено или јажиња и знамиња што се користат за обележување на безбедни рути во и околу кампот, изјави Clara Manno, океански еколог во BAS.
Општо загадување со пластика
И покрај строгите регулативи за материјалот на Антарктикот, контаминацијата опстојува. И покрај строгите прописи за материјалите што влегуваат на Антарктикот, нашите наоди откриваат микропластична контаминација дури и во оддалечените и високо контролирани области. Ова ја нагласува сеприсутната природа на загадувањето со пластика, покажувајќи дека никаде на Земјата не е навистина недопрено, објаснува Kirstie Jones-Williams, коавтор на студијата, објавена во списанието Science of The Total Environment.
Студијата испитувала примероци од снег од три локации на глечерот Union и глечерот Schanz, користејќи напредни техники на филтрација, откривајќи микропластика во концентрации кои се движат од 73 до 3.099 честички на литар.
Со овие техники, сега можеме да анализираме микропластика со многу помали димензии од порано. Всушност, откривме дека изобилството на микропластика во овие примероци од снег е 100 пати поголемо отколку во претходните студии на примероци од снег на Антарктикот, рече Emily Rowlands, исто така коавтор на новата студија.
Влијанието врз животната средина и следните чекори
Научниците нагласуваат дека се уште се потребни дополнителни истражувања. Треба да спроведеме повеќе истражувања за целосно да ги разбереме изворите на микропластично загадување на Антарктикот, рече Manno.
„Нашето истражување ја нагласува потребата да се искористи постојното присуство на Антарктикот за континуиран надзор“, додава Jones-Williams.
Извор: Daily Mail
