ОТКРИЕН ОДАМНА “ИЗГУБЕН КОНТИНЕНТ” | Научниците ја решиле оваа мистерија на Земјата

1656

Новооткриените кристали исфрлени од вулканска ерупција на површината на островот Маурициус се милијарди години постари од самиот остров и се сметаат за остатоци од античкиот континент Маурициус.

Овој „изгубен континент“ бил создаден со одвојувањето на Мадагаскар и Индија по колапсот на суперконтинентот Gondwana, но исчезнал во Индискиот Океан пред околу 84 милиони години. А сега научниците откриле нешто што го сметаат за парче од Маурициус, пишува Science Alert.

Маурициус е стар „само“ девет милиони години

„Површината на Земјата е составена од два дела – континенти, кои се стари и океани, кои се релативно млади“, вели еден од членовите на истражувачкиот тим, Lewis Ashwal од Универзитетот Witwathersand во Јужна Африка.

„Маурициус е остров и на тој остров нема карпи или камења постари од девет милиони години. Но, проучувајќи ја карпата на островот, откривме циркони стари цели три милијарди години“.

Островот Маурициус се наоѓа на околу 2000 километри од југоисточниот брег на африканскиот континент.

Маурициус е формиран од вулканска ерупција

Mauritia (microcontinent)

Се верува дека се работи за релативно млада копнена маса, а островот е формиран од џиновска ерупција на подводен вулкан пред меѓу осум и девет милиони години, а сега му припаѓа на архипелагот Mascarene, заедно со островите Saint Brandon, Réunion и Rodrigues.

Ashwal и неговиот тим ископале дел од кората на карпата која била покриена со стопена лава во времето на формирањето на островот. Кога го анализирале материјалот во карпите, пронашле ситни цирконски кристали кои биле неколку милијарди години постари од самиот остров.

Фактот дека кристалите биле направени од циркон, обичен полускапоцен камен, бил доволен да им каже на научниците што тоа гледаат и дека тоа не се работи за нешто што доаѓало од океанот.

Цирконите се формираат претежно од гранити од античките континенти кои некогаш се наоѓале на површината на Земјата. И штом староста на кристалите бил проценета на 2,5 до три милијарди години, тоа е силен показател за нив дека припаѓаат на одамна изгубениот континент Маурициус.

„Фактот што најдовме толку многу стари циркони докажува дека има многу постари материјали под Маурициус чие потекло би можело да биде само континентот“, вели Ashwal.

Потврда за претходно тврдење

Gondwana

Ова не е прв пат да се најдат циркони во Маурициус. Уште во 2013 година, друг тим на научници пронашол траги од циркони на песочна плажа кои исто така биле стари милијарди години. Но, откритието е контроверзно, бидејќи критичарите тврделе дека минералите можеле да дојдат на плажата од друго место.

Но, сега кога се пронајдени слични кристали под старите наоѓалишта на лава, научниците можат со многу поголем авторитет да тврдат дека тие се остатоци од изгубен континент.

Ова откритие прикажува слика на древен континент кој се распаднал на парчиња, од кои некои завршиле под сегашната копнена маса што го сочинува островот Маурициус.

Ова исто така објаснува зошто некои делови од Индискиот Океан имаат посилни гравитациони полиња од другите, ова е потенцијален показател за подебела кора.

Се очекува да се најдат повеќе парчиња од древнта Gondwana во наредните години, поради зголеменото истражување на длабочините на океанот.