Има многу шпекулации за неговата класификација, а неговата цел е исто така мистерија, но се чини дека Кинезите се повеќе и повеќе го тестираат својот нов авион со неговата необична форма и карактеристики.
Мистериозниот кинески авион J-36, за кој се верува дека е стелт-ловец и борбен авион од шестата генерација, е забележан на вториот пробен лет, според видеата кои кружат на кинеските социјални мрежи.
На една од сликите е прикажан млазниот авион како маневрира на мала надморска височина, со јасен поглед на неговите крила и подвозјето, вклучувајќи продолжена опрема за слетување и Pitot (механички уред за прецизно мерење на динамичкиот притисок и брзината на воздухот) поставени на носот, што укажува на рана фаза на тестирање на авионот.
Дискутабилна класификација
J-36 првпат е забележан на 26 декември 2024 година, додека летал од Chengdu Aircraft Corporationa (CAC). Истиот ден, друг авион, наводно, исто така од следната генерација, е виден во Shenyang Aircraft Corporation (SAC), за кој се шпекулира дека е J-XX. Сепак, останува нејасно дали овој е ловец од петта или шеста генерација и кој е наменет да го надополни Ј-36.
Класификацијата на гореспоменатите нови кинески авиони останува дискутабилна. Во оваа фаза, невозможно е да се потврдат кинеските тврдења дека овие дизајни се авиони од шестата генерација, пишува The Aviationist.
Овие авиони се очекува да исполнуваат повеќе улоги, вклучително и надмоќ на воздухот и координација на бојното поле.
Клучни карактеристики на дизајнот и потенцијални способности на авионот
Една слика споделена од воениот авијациски аналитичар Andreas Rupprecht на платформата X го прикажува задниот дел на авионот Ј-36, покажувајќи светли издувни гасови кои потсетуваат на механизам за горење. Сепак, Rupprecht предупреди дека автентичноста на сликата останува непроверена. Потврдените слики покажуваат дека авионот е опремен со три рамни млазници.
J-36 има два довода за мотори под крилата и еден дорзален довод (на горниот дел од авионот). Дизајнот на опремата за слетување на авионот наликува на рускиот Su-34 Fullback, пишува The Aviationist. Авионот веројатно има внатрешни складишта за муниција под трупот.
На неодамнешните слики е видлива црна и сива маскирна шема, заедно со поделени контролни површини на задниот раб што функционираат како воздушни сопирачки. Дизајнот дава приоритет на невидливоста, аеродинамиката и ефикасноста, потенцијално зголемувајќи ја брзината на испуканите проектили и намалувајќи ја видливоста на радарот. Напредниот софтвер за контрола на летот најверојатно се користи за стабилност и маневрирање на тој авион.
Шпекулации за развој на моторот
J-36 може да се напојува или со моторот WS-10C или WS-15, од кој вториот е дизајниран за кинескиот стелт ловец J-20. Шпекулациите сугерираат дека кинеските инженери развиваат мотори со адаптивен циклус, слични на оние во американската програма за воздушна доминација на следната генерација (NGAD), за да ги подобрат перформансите на авионите во различни услови на летот.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
