Со пари, велат, може да се купи се, но по големото меѓународно истражување се покажало дека парите се уште не можат да купат или да обезбедат подолг живот.
Барем не кога се во прашање Американците, односно нивните најбогати слоеви на општеството.
Еве зошто.
Голема меѓународна студија откри отрезнувачки наод: дури и богатите Американци имаат поголема веројатност да умрат порано од Европејците со слична, па дури и пониска финансиска состојба.
Студијата, објавена во New England Journal of Medicine, ги анализирала податоците за здравјето и пензиите на 73.838 луѓе на возраст од 50 до 85 години помеѓу 2010 и 2022 година. Учесниците беа поделени во четири квартали на богатството во САД и Европа. Во сите групи, Американците се соочија со значително повисоки стапки на смртност, покажа студијата.
Еднаквото богатство не нуди еднаква заштита
Подобрувањето на здравствените резултати не е предизвик само за финансиски најзагрозените; дури и оние во горниот квартал на богатството се погодени, вели Сара Мачадо, здравствен економист од Универзитетот Браун и главен автор на студијата.
Иако богатството генерално го намалува ризикот од смртност на двата континента, јазот во преживувањето меѓу најбогатите и најсиромашните е многу поголем во САД. Американците во сите слоеви на богатството се покажале полоши од Европејците.
Нееднаквостите во здравствената заштита одат во корист на Европа
Авторите на студијата ја поврзаа предноста на Европа со универзален пристап до здравствена заштита, посилни мрежи за социјална заштита и покохезивни социјални структури. Во земјите како Франција, Германија и Холандија, дури и најсиромашните ги надживеаја најбогатите во САД, покажаа резултатите од истражувањето.
Наодите се остар потсетник дека дури и најбогатите Американци не се имуни на системски проблеми во Соединетите држави кои придонесуваат за помал животен век, како што се економската нееднаквост или факторите на ризик како стресот, лошата исхрана или еколошките опасности, рече Ирина Папаниколас од Универзитетот Браун и исто така една од авторите на студијата.
Комбинираната стапка на смртност во сите квартили е 40% пониска во Северна и Западна Европа отколку во САД.
Ако сакаме да го подобриме здравјето во САД, треба подобро да ги разбереме основните фактори кои придонесуваат за овие разлики, особено меѓу сличните социо-економски групи, и зошто тие се претвораат во различни здравствени резултати меѓу нациите, истакна Папаниколас.
Извор: Science Alert
