Без разлика на полот, научните докази ја поддржуваат практиката на мастурбација како здраво и природно однесување.
Според новите научни истражувања, мастурбацијата не само што може да биде добра, туку нуди и заштита од сексуално преносливи инфекции (SPI), особено кај машките примати.
Откривме дека мастурбацијата е древна особина кај приматите, објаснуваат Matilda Brindle, антрополог од University College London и нејзините колеги во новото истражување, објавено во списанието Proceedings of the Royal Society B. Споменатиот тим британски научници собрале најголемата база на податоци за случаи на мастурбација во историјата кај 105 видови примати.
Наследување на заеднички предок кај приматите
Веќе е познато дека мастурбацијата е широко распространета кај цицачите и другите животни како што се птиците. Додека некои примати се познати по своите навики на самодопирање (bonobo, на пример, користат меѓусебна мастурбација како дел од нивниот социјален репертоар, а мајмуните macaques се фатени на дело со секс играчки), другите видови се помалку склони кон такви активности.
Бидејќи примерите на мастурбација можат да се најдат низ еволуциското дрво на приматите, допирањето на сопствените ерогени зони е веројатно древна забава, пренесена на сите групи примати од раниот заеднички предок.
Испирање на микроорганизми од гениталниот тракт
Научниците откриле дека мастурбацијата е почеста кај мажјаците во видовите чии женки се парат со повеќе партнери. Мастурбацијата често се губела и во системите за парење со еден маж, но речиси никогаш во системите за парење со повеќе мажи, објаснуваат авторите на новата студија.
Brindle и нејзиниот тим, исто така, пронашле силни докази за коеволуција помеѓу мастурбацијата и појавата на патогени кај мажите, што сугерира дека мастурбацијата може да послужи за исфрлање на микроорганизмите што предизвикуваат болест од гениталниот тракт.
Мастурбацијата била почеста кај мажјаците од поголемите видови примати кои не можат да добијат орална нега на нивните гениталии. Мастурбацијата била изгубена со многу висока стапка кога патогените биле отсутни, но речиси никогаш кога биле присутни, забележале авторите на студијата.
Подобрување на плодноста и/или спречување на сексуално преносливи болести
Тие сугерираат дека времето на мастурбација може да открие кој од овие трендови го поттикнува изборот на мастурбација кај секој вид. Ако мастурбацијата најчесто се случува пред секс, тоа би можело да значи дека ја подобрува плодноста кај мажите, додека после секс може да сугерира дека служи како превентива за сексуално преносливи инфекции.
Иако постојат ограничени податоци за мастурбацијата на женските примати, британските научници ја признаваат потребата од понатамошни истражувања во оваа област.
Важно е да се напомене дека има многу помалку извештаи за мастурбација кај женските примати во нашиот сет на податоци. Ова е делумно затоа што женското возбудување и мастурбација може да биде помалку забележливо од машкото, но исто така го одразува недостатокот на информации за женското сексуално однесување и морфологијата во биолошките науки, истакнуваат авторите на студијата.
Заклучок
Иако придобивките од мастурбацијата кај видовите кои не се примати сè уште не се целосно разбрани, вреди да се напомене дека соло сексуалната активност е поврзана со различни здравствени придобивки кај луѓето, како што се подобар сон, ублажување на болката и зголемена самодоверба. Затоа, без разлика на полот, научните докази ја поддржуваат практиката на мастурбација како здраво и природно однесување.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
