Во историјата на цивилизацијата се изградени многу мостови кои поврзуваат патишта над неповолни терени.
Мостовите сепак можат исто така да ја покажат економската и творечката моќ на градовите и инженерите. Многу од нив станаа симболи на градови, региони и цели држави.
Токму затоа мостот во Владивосток е и гордост за Русија.
Тој се наоѓа во близина на Пацифичките брегови на градот, од другата страна на теснецот Источен Босфор, поврзувајќи го големиот шумски остров Руски со градот. Го нарекуваат Златниот мост, бидејќи е над заливот Златен Рог.
За време на советската ера островот бил главно од воено значење. До неодамна дури жителите на Владивосток требаше да добијат посебна дозвола за да го посетат островот, но денес тој е отворен за туристи. На Руски има само околу 20-30 километри асфалтни патишта, но се очекува во иднина тој да се развие како топ одморалиште.
Восхитувачкиот мост е отворен во јули 2012 година и е долг 1885 метри, а неговиот капацитет е до 50 илјади возила на ден, но се користи од не повеќе од неколку илјади автомобили и туристички автобуси.
Неодамна National Geographic го прогласи мостот во Владивосток меѓу 10-те најубави во светот. Самиот град се смета за “Сан Франциско на Русија”.
