Научниците од Универзитетот во Хокаидо во Јапонија теоретизираа дека под Гренланд во вечна темнина се наоѓа огромна подземна река која се исполнува со топењето мраз. Таканаречената „Црна река“ е хипотетички воден пат од 1.000 километри и тече од длабоката внатрешност на Гренланд сè до Пејтерман Фјорд на северозападот на земјата.
Резултатите го разгледуваат постоењето на долга суглацијална река, вели Кристофер Чемберс од Универзитетот Хокаидо во Јапонија, „но сепак имаме дилеми“.
Дилемите во најголем дел се должат на фактот дека нема многу радарски податоци од воздушните снимки над ледената плоча на Гренланд. Со текот на годините, откриени се делови од, како што се чини, џиновски, субглацијален долински систем, кои се протегаат под големи делови на Гренланд.
Бројни студии во последните неколку децении покажуваат дека ваквите ровови, долини или „мега кањони“ би можеле да лежат скриени во субглацијалната средина, а исто така ја покренаа идејата дека водата тече на дното.
Сепак, поради недостатоци во податоците, не е познато дали сите долини се поврзани во една долга река слична на змија или тие се само делови од неповрзани појави и не е познато како водата би можела да се однесува таму.
Не знаеме колку вода – доколку има – тече низ долината и дали навистина излегува на фјордот на Петерман или е замрзната или излегува од долината попатно, рече Чемберс, пренесува „Science Alert“.
Во новата студија, замислена како „експеримент за размислување“, Чемберс и неговиот тим ја истражуваа можноста долината да не е распарчена на одделни парчиња, но низ неа постојано тече долга река.
Сето ова може да биде измама, велат тие. Фантомските издигнувања може да бидат резултат на измамен модел во региони со оскудни податоци наместо територијални карактеристики.
Во новото моделирање, истражувачите претпоставиле дека „Темната река“ навистина била континуирана. Врз основа на тоа сценарио, симулациите сугерираат дека водниот пат тече од центарот на Гренланд кон морето, а водата поминува низ непрекината патека.
Иако откритијата засега остануваат хипотетички, истражувачите сметаат дека идните воздушни снимки може еден ден да можат да ги потврдат симулациите.
Да беше така, не само што ќе ни кажеше дека „Темната река“ е вистинска, туку исто така ќе значи дека достигнавме ново ниво на способност за моделирање на однесувањето на мразот на Гренланд – исклучително сложено и мистериозно тело за кое се предвидува огромно влијание врз иднината покачување на нивото на морето.
